ხაშურისა და თბილისის თავზე მფრინავი ჰამაკის ამბავი საიდუმლოს აღარ წარმოადგენს. დრონით გაფრენილი "ადამიანის" რეალური ისტორია ნატახტარმა ცოტა ხნის წინ გააცნო საზოგადოებას.

ვიდეო სარეკლამო ხასიათის აღმოჩნდა. ნატახტარის ახალ ლუდზე რეკლამა ლივინგსტონმა გადაიღო.

"რადგანაც საქმე ეხებოდა ახალ მსუბუქ ლუდს, ჩვენ ავიღეთ სიმსუბუქის ერთ-ერთი სიმბოლო – ჰამაკი და ლუდის სმის დემონსტრირების პარალელურად, სხვადასხვა ქალაქის თავზე ვაფრინეთ" - უთხრეს ლივინგსტონში მარკეტერს.

მფრინავი ჰამაკის იდეას გამოხმაურება მოყვა როგორც ქართულ ინტერნეტსივრცეში, ისე უცხოურ მედიაში.

ნატახტარის სარეკლამო რგოლი შეგიძლიათ მის ფეისბუკ გვერდზე იხილოთ.