უკრაინის საგარეო საქმეთა მინისტრი, დმიტრო კულება აცხადებს, რომ 25 მარტის მდგომარეობით, თურქეთის პრეზიდენტის ნახსენებ 4 პუნქტში შეთანხმება არ მიღწეულა.

"თურქეთის პრეზიდენტის მიერ ნახსენებ 4 პუნქტთან დაკავშირებით რუსეთთან კონსენსუსი არ არსებობს. კერძოდ, უკრაინაში ერთადერთი სახელმწიფო ენა არის და იქნება უკრაინული. ზოგადად, მოლაპარაკების ძირითადი თემების ოთხად კლასიფიკაცია არასწორია", — ამბობს მინისტრი უკრაინსკა პრავდასთან კომენტარში.

მისივე თქმით, მოლაპარაკების პროცესი ძალიან მძიმედ მიმდინარეობს და მრავალი საკითხი განიხილება. მინისტრი აცხადებს, რომ უკრაინული დელეგაცია მკაცრ პოზიციაზეა და საკუთარ მოთხოვნებზე უარს არ ამბობს.

კულებამ, ასევე, ხაზგასმით აღნიშნა, რომ უკრაინა დაჟინებით მოითხოვს, პირველ რიგში, ცეცხლის შეწყვეტას, უკრაინის უსაფრთხოებისა და ტერიტორიული მთლიანობის გარანტიებს.

თურქეთის პრეზიდენტმა, რეჯეფ თაიფ ერდოღანმა განაცხადა, რომ ბელარუსში მიმდინარე მოლაპარაკებების პროცესში უკრაინასა და რუსეთს შორის რამდენიმე საკითხზე შეთანხმება თითქმის მიღწეულია, თუმცა ყირიმსა და დონბასთან დაკავშირებით უკრაინის დათანხმება შეუძლებელია.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში