NATO-ს გენერალური მდივნის, იენს სტოლტენბერგის განცხადებით, ალიანსი აღმოსავლეთ ევროპაში უფრო ძლიერდება. მისი თქმით, ბულგარეთში, უნგრეთში, რუმინეთსა და სლოვაკეთში NATO-ს ახალი ბატალიონები განთავსდება.

"ლიდერებმა დაამტკიცეს ნატოს 4 ახალი საბრძოლო ჯგუფი. ბულგარეთში, უნგრეთში, რუმინეთსა და სლოვაკეთში. დაემატებიან ბალტიისპირეთის ქვეყნებსა და პოლონეთში არსებულ ბატალიონებს. ასე რომ, ახლა ჩვენ გვყავს რვა მრავალეროვნული ნატოს საბრძოლო ჯგუფი. ბალტიის ზღვიდან შავ ზღვამდე", — ამბობს ის.

სტოლტენბერგის თქმით, ალიანსი ევროპის აღმოსავლეთ ნაწილში ხმელეთზე, საჰაერო სივრცეში და ზღვაზე განათავსებს მეტ ტექნიკას. ალიანსი ასევე აძლიერებს კიბერთავდაცვას.

დღეს, 24 მარტს NATO-ს საგანგებო სამიტი გაიმართა. ძირითადი განსახილველი თემა კი უკრაინა იყო. სტოლტენბერგმა სამიტის დასრულების შემდეგ თქვა ისიც, რომ შეთანხმდნენ გავზარდოს მხარდაჭერა პარტნიორების, მათ შორის საქართველოს მიმართაც.

გაიგე მეტი: