NATO-ს გენერალური მდივნის, იენს სტოლტენბერგის განცხადებით, ევროკავშირთან ერთად, ნატო უნდა დაეხმაროს სხვა პარტნიორებსაც, მათ შორის საქართველოსა და ბოსნია და ჰერცეგოვინას. ამის შესახებ მან ნატო-ს სამიტის შემდეგ გამართულ პრესკონფერენციაზე ისაუბრა.

"მოკავშირეები შეთანხმდნენ, რომ ჩვენ ასევე უნდა გავზარდოთ ჩვენი მხარდაჭერა სხვა პარტნიორების მიმართ, რომლებიც რისკის ქვეშ არიან რუსეთის საფრთხეებისა და ჩარევის გამო. მათ შორის საქართველოსა და ბოსნია და ჰერცეგოვინის მიმართ. ჩვენ, ევროკავშირთან ერთად, უნდა დავეხმაროთ მათ სუვერენიტეტის დაცვასა და მათი გამძლეობის გაძლიერებაში", — თქვა სტოლტენბერგმა.

იენს სტოლტენბერგმა საქართველოს მხარდაჭერაზე NATO-ს სამიტის დაწყებამდეც ისაუბრა.