NATO-ს ლიდერებმა რუსეთის უკრაინაში შეჭრის საპასუხოდ, ალიანსის გენერალური მდივანს, იენს სტოლტენბერგს თანამდებობის ვადა ერთი წლით გაუხანგრძლივეს. ინფორმაცია სტოლტენბერგმა Twitter-ზე თავადაც დაადასტურა.

როგორც ის წერს, ამ თანამდებობაზე 2023 წლის 30 სექტემბრამდე რჩება. ის NATO-ს გენერალური მდივანი 2014 წლის ოქტომბრიდანაა.

"ჩვენ ერთიანი ვართ, რათა ჩვენი ალიანსის სიძლიერე და ხალხის უსაფრთხოება შევინარჩუნოთ", — დაწერა მან.