2020 წლიდან,"BTU აბიტურიენტებისთვის" კამპანიის ფარგლებში, ბიზნესისა და ტექნოლოგიების უნივერსიტეტი აბიტურიენტებს სხვადასხვა კურსს, ტრენინგსა თუ აქტივობაში ჩართვას უფასოდ სთავაზობს. აქტივობები წელსაც გრძელდება და ამჯერად უნივერსიტეტი საქართველოში მცხოვრებ ყველა აბიტურიენტს მთელი საქართველოს მასშტაბით. უფასო ტრენინგების სერიას სთავაზობს. იმ აბიტურიენტებისთვის, რომლებიც ერთიანი ეროვნული გამოცდებისთვის ემზადებიან, BTU მოსამზადებელ ტრენინგებს ყველა ძირითად საგანში ჩაატარებს. ესენია:

  • მათემატიკა
  • ისტორია
  • ფიზიკა
  • ქართული

აბიტურიენტებთან შეხვედრები 30 მარტიდან დაიწყება და საქართველოს 10 ქალაქში შემდეგი განრიგით გაგრძელდება:

  • თელავი — 30 მარტი;
  • რუსთავი — 1 აპრილი;
  • ბორჯომი — 2 აპრილი;
  • გორი — 5 აპრილი;
  • მცხეთა — 6 აპრილი;
  • ხაშური — 8 აპრილი;
  • ქუთაისი — 11 აპრილი;
  • ზუგდიდი — 12 აპრილი;
  • ოზურგეთი — 13 აპრილი;
  • ბათუმი — 14 აპრილი.

ერთიანი ეროვნული გამოცდებისთვის მოსამზადებელი შეხვედრების გარდა, მონაწილე აბიტურიენტებს შესაძლებლობა ექნებათ, დაესწრონ შეხვედრებს გაეროს ქალთა ორგანიზაციისა და ნორვეგიის მთავრობის მხარდაჭერით დაწყებული პროექტის ფარგლებში — "ქალები ტექნოლოგიებში", რომელიც მოიცავს აბიტურიენტებისთვის იმ ინფორმაციის მიწოდებას, რომელიც მათ მომავალი პროფესიის არჩევაში დაეხმარებათ. შეხვედრის ფარგლებში საუბარი შეეხება ტექნოლოგიურ ტრენდებს, სიახლეებსა და მოთხოვნად ტექნოლოგიურ პროფესიებს.

ტრენინგებზე დასასწრებად აუცილებელია წინასწარი რეგისტრაცია აღნიშნულ ბმულზე.