ბრაზილიელი სერიალების ვარსკვლავი როდრიგო სანტორო, რომელიც ახლა HBO-ს სერიალში Westworld თამაშობს, ამბობს, რომ ასეთ წარმატებაზე ვერც კი იოცნებებდა.

"ბრაზილიაში ყველაფერი მქონდა - კარიერა, კარგი ანაზღაურება, უსაზღვრო პოპულარობა, ყველაფერი ის რაც წესით დამაკმაყოფილებელი უნდა ყოფილიყო, მაგრამ არ ვიშლიდი და ყოველთვის ვამბობდი, რომ ამერიკული ბაზარიც ისევე უნდა დამეპყრო, როგორც ეს ბრაზილიაში მოვახერხე", - ხუმრობს სანტორო.

მსახიობი იხსენებს, რომ როდესაც სერიალ Lost-ის კასტინგიდან დაურეკეს და უთხრეს, რომ როლზე დაამტკიცეს მის ცხოვრებაში ყველაზე ბედნიერი მომენტი იყო.

"ვერასდროს წარმოვიდგენდი თუ ჰელენ მირენის, კამერონ დიასის, დრიუ ბერიმორის, ემა ტომფსონის, ჯიმ კერის, ენტონი ჰოპკინსისა და სხვების გვერდით ვითამაშებდი. იცით, მე ნამდვილად მქონდა გამოცდილება ბრაზილიაში უდიდეს მსახიობებთან მემუშავა - ფერნანდა მონტენეგრო, ლეტიცია საბატელა, სუზანა ვიეირა, კასია კისი და სხვები, მაგრამ ეს სულ სხვა არის, რიოში ჩვენ დიდი ოჯახი გვაქვს. აქ, ჰოლივუდში კი, სადაც კონკურენცია და შუღლი ყველა ფეხის ნაბიჯზე გხვდება, რთულია რამე დაამტკიცო. მგონია, რომ ეს გამომდის. ბრაზილიიდან ბრაზილიიდან წამოსვლისას ვერც ვიფიქრებდი თუ ასეთ წარმატებას მივაღწევდი, მაგრამ შეხედეთ, ახლა HBO-ზე ჩემი სახელი და გვარი წერია", - ამბობს როდრიგო.

29 აპრილს, როდესაც შენი ტელევიზორი სახლის კინოთეატრად გადაიქცევა, 06:00 საათზე #ჩაუჯექი ფილმს 300, როდრიგო სანტოროს მონაწილეობით.