აპრილში მარველისა და Sony-ის ახალი ფილმის, მორბიუსის პრემიერაა დაგეგმილი, რომელშიც მთავარ როლს ჯარედ ლეტო ასრულებს. ანტიგმირის განსახიერებასთან დაკავშირებით ჯარედ ლეტომ გამოცემა Variety-ის ინტერვიუ მისცა, სადაც კინოთეატრების მომავალსა და ინდუსტრიაში არსებულ ფინანსურ სირთულეებზეც ისაუბრა.

"მარველის ფილმები რომ არა, კინოთეატრებს შეიძლება არც ეარსებათ. როგორც ჩანს, კინოთეატრებში ყველას ადგილი არაა და ეს ცოტათი მასევდიანებს", — აღნიშნავს ლეტო.

მართლაც, პანდემიის პერიოდში კინოინდუსტრიას შემოსავლის უდიდესი ნაწილი სწორედ სუპერგმირების შესახებ გადაღებულმა ფილმებმა მოუტანა, რომელთა შორისაცაა Spider-Man: No Way Home, Shang-Chi and the Legend of the Ten Rings, Venom: Let There be Carnage და Black Widow.

"ასეთი ფილმების მადლიერი ვარ, რადგან ისინი კინოინდუსტრიას სიცოცხლეს უნარჩუნებენ. დიდი პატივია, მიყოლებით იყო რამდენიმე ფილმში, რომელიც კინოსამყაროს ეხმარება", — ამბობს ლეტო კომიქსების ადაპტაციების შესახებ.

მორბიუსი კომიქსის პირველი ანტიგმირი არაა, რომელსაც ჯარედ ლეტო განასახიერებს. 2016 წელს მან Suicide Squad-ში ჯოკერის როლი მოირგო, შემდეგ კი Justice League-შიც გამოჩნდა.