ქალთა ისტორიის თვე მსოფლიოს მასშტაბით ყოველი წლის მარტში აღინიშნება და მიზნად ისტორიულ წარსულსა და თანამედროვე საზოგადოებაში ქალთა წვლილის, მიღწევებისა და მნიშვნელობის წარმოჩენას ისახავს.

ილიას სახელმწიფო უნივერსიტეტის სამართლის სკოლის ადამიანის უფლებათა მიმართულება გაეროს განვითარების პროგრამასა (UNDP) და საერთაშორისო რესპუბლიკურ ინსტიტუტთან (IRI) თანამშრომლობით 17 მარტს, 17:00 საათზე ჰიბრიდულ საჯარო დისკუსიას გეგმავს თემაზე "ქალების როლი მშვიდობისა და დემოკრატიის მშენებლობის პროცესში".

დისკუსიაზე გაეცნობით შთამაგონებელ ქალებს, რომლებმაც პოლიტიკური, სოციალური და ეკონომიკური მიღწევებით მნიშვნელოვანი წვლილი შეიტანეს დემოკრატიის მშენებლობის პროცესში. მომხსენებლები სტუდენტებს გაუზიარებენ საკუთარ გამოცდილებასა და ცოდნას, ისაუბრებენ კარიერულ გზასა და გამოწვევებზე, რომლებსაც საქმიანობაში წააწყდნენ.

საჯარო დისკუსია ჰიბრიდულ ფორმატში გაიმართება და მასზე დასწრება შესაძლებელი იქნება როგორც ფიზიკურ სივრცეში, ისე დისტანციურად პლატფორმა Zoom-ის საშუალებით.

ლექციაზე ნებისიერი ფორმატით დასწრების სურვილის შემთხვევაში, წინასწარი რეგისტრაცია შემდეგ ბმულზე უნდა გაიაროთ: https://tinyurl.com/3wwscdfb

გაითვალისწინეთ, რომ ღონისძიებაზე ფიზიკურ სივრცეში დასწრებას შეძლებენ მხოლოდ რეგისტრირებული პირები, რომლებსაც წინასწარ ექნებათ რეგისტრაცია გავლილი.

მომხსენებლები

პირველი პანელი:

  • ნინო დობორჯგინიძე, ილიას სახელმწიფო უნივერსიტეტის რექტორი
  • სოფი ვესტერბერგი, შვედეთის სამეფოს საელჩოს წარმომადგენელი საქართველოში
  • ანნა ჩერნიშოვა, გაეროს განვითარების პროგრამის (UNDP) წარმომადგენლის მოადგილე საქართველოში
  • ჯონ დიპირო, საერთაშორისო რესპუბლიკური ინსტიტუტის საქართველოს ოფისის ხელმძღვანელი

მეორე პანელი:

  • თეონა აქუბარდია, საქართველოს პარლამენტის წევრი, უსაფრთხოების საკითხების ექსპერტი
  • თინათინ ხიდაშელი, საქართველოს თავდაცვის ყოფილი მინისტრი, სამოქალაქო იდეის თავმჯდომარე

მოდერატორი

  • მარი დევიძე, ილიაუნის სამართლის სკოლის სტუდენტი და ადამიანის უფლებათა კლინიკის მკვლევარი

ღონისძიება ილიას სახელმწიფო უნივერსიტეტში, აუდიტორია G106-ში (ქაქუცა ჩოლოყაშვილის №⅗) 17 მარტს, 17:00 საათზე გაიმართება. დისკუსიის სამუშაო ენები ქართული და ინგლისური იქნება, ფორმატი კი, ჰიბრიდული.