ტელეკომპანია "დოჟდის" მთავარი რედაქტორი ტიხონ ძიადკო, ასევე წამყვანი ეკატერინე კოტრიკაძე და ჟურნალისტი ვალერია რატნიკოვა რუსეთის ფინანსური მონიტორინგის სამსახურის ტერორისტებისა და ექსტრემისტების ჩამონათვალში შეიყვანეს. ამის შესახებ ინფორმაციას რუსულ მედია ავრცელებს.

როგორც ტელეკომპანია "დოჟდი", ისე თავად ძიადკო და ჟურნალისტები უცხოეთის აგენტებად არიან აღიარებულნი.

ცნობისთვის, 2 ოქტომბერს "დოჟდის" საინფორმაციო სამსახურის ხელმძღვანელს და ტელეწამყვანს, ეკატერინე კოტრიკაძეს რუსეთში პატიმრობა დაუსწრებლად შეუფარდეს. მასთან ერთად დაუსწრებლად შეუფარდეს პატიმრობა "დოჟდის" კიდევ ერთ ჟურნალისტს, ვალერია რატნიკოვასაც.

ჟურნალისტებს ბრალად ედებათ რუსული არმიის შესახებ პოლიტიკური სიძულვილით მოტივირებული "ყალბი ამბების" გავრცელება და "უცხოელი აგენტების" მოვალეობებისგან თავის არიდება.

რუსეთში სისხლის სამართლის საქმეები აღიძრა ასევე კოტრიკაძისა და რატნიკოვას კოლეგების, ანა მონგაიტის და "დოჟდის" მთავარი რედაქტორის, ტიხონ ძიადკოს წინააღმდეგ.

2022 წელს კოტრიკაძეს რუსეთის იძულებით დატოვება მოუწია, რისი მიზეზიც რუსეთის შეიარაღებულ ძალებზე "ცრუ ინფორმაციის გავრცელება გახდა". Meduza-ს ტელეგრამ-არხის ცნობით, სექტემბერში კოტრიკაძე და რატნიკოვა ძებნილთა სიაში შეიყვანეს.

რუსული ჯარების მიერ უკრაინაში მასშტაბური შეჭრის შემდეგ, რუსეთში "დოჟდის" მაუწყებლობა დაიბლოკა, არხის ჟურნალისტები კი ქვეყნიდან გაიქცნენ და საზღვარგარეთ აგრძელებენ აგრძელებენ. 2025 წელს რუსეთმა ტელეკომპანია "დოჟდი" უცხოური ინტერესების გამტარებელ მედიად გამოაცხადა.

"დოჟდის" ტელეწამყვან ეკატერინე კოტრიკაძეს რუსეთში პატიმრობა დაუსწრებლად შეუფარდეს