ცესკოს პრესსპიკერის, ნათია იოსელიანის განცხადებით, წლევანდელ თვითმმართველობის არჩევნებზე 1 438 116 მოქალაქემ მიიღო მონაწილეობა.

ნათია იოსელიანის განცხადებით, არჩევნებმა მშვიდ და უსაფრთხო გარემოში ჩაიარა.

იოსელიანი აცხადებს, რომ მთელი დღის განმავლობაში 24 საჩივარი დაიწერა. საჩივრები უკავშირდებოდა ფოტო-ვიდეო გადაღების წესის დარღვევას, კენჭისყრის უბნის მოწყობას, საარჩევნო უბნის გარეთ ამომრჩევლის აღრიცხვას და ა.შ.

"საარჩევნო კომისიის წევრები აგრძელებენ მუშაობას იმისთვის, რომ არჩევნების შედეგები უმოკლეს დროში იყოს ცნობილი საზოგადოებისთვის," — განაცხადა იოსელიანმა.

თაზო დათუნაშვილის თქმით, 4 ოქტომბრის დილის 12 საათისთვის, დარღვევების შესახებ 100-ზე მეტი საჩივარი იყო დაწერილი. არჩევნებში მონაწილეობა ოპოზიციის ნაწილმა არ მიიღო.

შეგახსენებთ, რომ თვითმმართველობის არჩევნებისგან განსხვავებით 2024 წლის 26 ოქტომბრის საპარლამენტო არჩევნებისთვის ამომრჩეველთა საერთო რაოდენობა 3 508 294-ს შეადგენდა. წინა წლებისგან განსხვავებით, წლევანდელ თვითმმართველობის არჩევნებს არ აკვირდებოდა საერთაშორისო დამკვირვებლების ნაწილი და არასამთავრობო ორგანიზაციები.