რუსეთის მიმართ დაწესებული სანქციების ფარგლებში აშშ-ის საბანკო/საგადახდო ბარათების კომპანიებმა — Visa და Mastercard — მრავალი რუსული ფინანსური ინსტიტუტი საკუთარი ქსელიდან დაბლოკეს. ინფორმაციას ამის შესახებ Reuters ავრცელებს.

Visa-მ ორშაბათს განაცხადა, რომ რუსეთის მიმართ დაწესებული სანქციების უზრუნველსაყოფად სწრაფ ზომებს იღებს და დასძინა, რომ ჰუმანიტარული დამხარებისთვის 2 მილიონ დოლარს გასცემს. ამასთან, Mastercard-მაც 2 მილიონიანი დახმარების პირობა დადო.

შაბათს დიდმა ბირტანეთმა, ევროკავშირმა, აშშ-მა და კანადამ რუსეთის წინააღმდეგ ახალი სანქციების შესახებ განაცხადეს — მათ შორის, საუბარია რუსეთის ზოგიერთი მსხვილი ბანკის SWIFT-ის საგაგადასახადო სისტემიდან გათიშვაზე. არსებული მდგომარეობის ფონზე, რუსები ბანკომატებს მიაწყდნენ.

შეერთებულმა შტატებმა სანქცირებულთა სიას სხვადასხვა რუსული ფინანსური კომპანია დაამატა. მათ შორის, ქვეყნის ცენტრალური ბანკი და სიდიდით მეორე უმსხვილესი ბანკი — VTB.

ბევრი დასავლური ბანკი, ავიაკომპანია და ფირმა რუსეთთან ურთიერთობას წყვეტს და ამ ქვეყნის ქმედებას მიუღებელს უწოდებს. ევროპამ და კანადამ რუსული თვითმფრინავებისთვის საჰაერო სივრცე ჩაკეტეს.

გაიგეთ მეტი: