ამერიკულმა ტელეკომპანიამ Fox News-მა, ქვეყნის ერთ-ერთი ყველაზე რეიტინგული წამყვანის, ბილ ო'რაილის გათავისუფლება გადაწყვიტა.

BBC-ის ინფორმაციით, ამის მიზეზი გავრცელებული ხმები გახდა, რომლის მიხედვითაც, ო'რაილი სექსუალურად ავიწროებდა ქალ კოლეგებს.

გავრცელებული ინფორმაციის მიხედვით, ხუთმა ქალმა, ო'რაილისგან შევიწროების გამო, 13 მილიონი აშშ დოლარი მიიღო. ამის შემდეგ, 50-ზე მეტმა სპონსორმა მისი შოუდან, The O'Reilly Factor, რეკლამები მოხსნა.

67 წლის ო'რაილი, რომელიც Fox News Channel-ში ტელეკომპანიის დაარსების დღიდან მუშაობს, ბრალდებებს უარყოფს.