100 ათასამდე უკრაინელ ლტოლვილს Airbnb.org მცირე ხნით უფასო საცხოვრებელს შესთავაზებს.

Airbnb-ის ხელმძღვანელებმა თავდაპირველად ევროპის რამდენიმე ქვეყნის — პოლონეთის, გერმანიის, უნგრეთის და რუმინეთის — ლიდერებს მიმართეს და საკუთარი რესურსით ლტოლვილებისთვის თავშესაფრის მიცემაში დახმარება შესთავაზეს. როგორც Airbnb-ის განცხადებიდან ვიგებთ, გარდა საცხოვრებლით უზრუნველყოფისა, კომპანია აქტიურად ითანამშრომლებს მთავრობებთან, რათა თითოეულ ქვეყანაში შექმნილი საჭიროებები დააკმაყოფილოს — მათ შორის, გრძელვადიანი საცხოვრებლებიც.

ფოტო: Sergei Grits / AP Photo/

Airbnb.org საცხოვრებლის დაჯავშნის გლობალური სისტემის, Airbnb-ის, შექმნილი არაკომერციული ორგანიზაციაა, რომლის მისიაც "რთულ ვითარებაში აღმოჩენილი ადამიანების საცხოვრებლით, რესურსებითა და მხარდაჭერით უზრუნველყოფაა". ხუთი წლის განმავლობაში ორგანიზაციამ 54 ათასზე მეტი ლტოლვილი უზრუნველყო დროებითი საცხოვრისით და სხვა საჭიროებებით.

მომდევნო დღეებში ცნობილი გახდება, როგორ შეძლებენ დაინტერესებული მოქალაქეები უკრაინელი ლტოლვილების მასპინძლობას. ინიციატივის განხორციელებაში ორგანიზაციას კვლავაც პარტნიორები და დონორები დაეხმარებიან, თუმცა, ამ პროცესში წვლილის შეტანა თქვენც შეგიძლიათ. მეტი დეტალისთვის შეგიძლიათ Airbnb.org-ის ვებსაიტს ეწვიოთ, სადაც ინფორმაციას ქართულად მიიღებთ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში

ასევე იხილეთ: