კახელები უკრაინელ ბავშვებთან გასაგზავნად ჩურჩხელებს აგროვებენ

კახეთში სამოქალაქო ინიციატივა დაიწყო, რომლის ფარგლებშიც უკრაინელ ბავშვებთან გასაგზავნად ჩურჩხელებს აგროვებენ. "შეაგროვე ჩურჩხელა განსაცდელში მყოფი უკრაინელი ძმებისათვის!" — სწორედ ამ მოწოდებით კახეთის სამოქალაქო ორგანიზაციებმა უკვე დიდი რაოდენობით ჩურჩხელის შეგროვება შეძლეს.

"თავისუფლებისათვის მებრძოლი უკრაინა დღეს განსაცდელშია. საცხოვრებელი სახლების სარდაფებში ათასობით ადამიანი, ქალები და ბავშვები თავს აფარებენ რუსეთის აგრესიას! იბომბება სახლები და სამოქალაქო ობიექტები! დღეს, როგორც არასდროს საჭიროა ჩვენი ისტორიისა და მემკვიდრეობის გაზიარება ფრონტის წინა ხაზზე მყოფი ხალხისათვის! შევაგროვოთ და გავუგზავნოთ თითო ჩურჩხელა უკრაინულ ოჯახებს, რათა მიიღონ კახური მიწის მადლით შექმნილი ღვთაებრივი, კალორიული და სასარგებლო ჩურჩხელა", — ამბობს ინიციატორი, მაია მამულაშვილი

ნებისმიერ ადამიანს შეუძლია ინიციატივას შეუერთდეს და უკრაინელი ბავშვებისთვის ჩურჩხელები შეაგროვოს. მსურველებს მეტი ინფორმაციის მისაღებად შეუძლიათ, რომ კახეთის ხმის ოფიციალურ ფეისბუქის გვერდს მისწერონ.

ბოლო ამბები:

გირჩევთ