ბიძინა ივანიშვილი ცოტა ხნის წინ გამოქვეყნებულ ღია წერილში ქართველი ერის თვისებებზე საუბრობს და მხატვრულად აღწერს მის ნიშან-თვისებებს:

"ევროპისა და აზიის გზაშესაყარზე დიდ იმპერიებს შორის ცხოვრებით მივიღეთ უნიკალური გამოცდილება, რომლის წყალობითაც თვითმყოფადობის შენარჩუნებისა და პროგრესისკენ სწრაფვის უნარ-ჩვევები ლამის გენეტიკურ კოდში გვაქვს ჩაწერილი".

ყოფილ პრემიერს ქართველებზე საუბრისას მათ აღსაწერად აბო თბილელიდან ნაწყვეტი მოჰყავს:

"ალბათ ბევრს ახსოვს სკოლაში ნასწავლი საზეპირო მერვე საუკუნეში დაწერილი აბო თბილელის ცხოვრებიდან, რომელიც ქართველებმა წმინდანად და თბილისის მფარველად შერაცხეს - ბევრი გაჭირვება გვადგას ქართველებს, ვირხევით როგორც ლერწამი ძლიერ ქარში, მაგრამ ცხოვრების წესს მაინც არ ვიცვლით და ვაგრძელებთ "ჩვეულებისაებრ მამულისა სლვასო".

ქარი გვარხევს, მაგრამ, ურთულეს რეგიონში ცხოვრებით შეძენილი გამჭრიახობის წყალობით, ვერც გვტეხს და ვერც ადგილიდან გვძრავს. კომპრომისის ძიება, როცა საჭიროა - დათმობა, როცა საჭიროა - მტკიცედ დგომა, ჩვენი ცხოვრების წესად და გეოპოლიტიკურ ლაბირინთებში საიმედო გზამკვლევად იქცა".

ქართული ოცნების რიგით მეოთხე ყრილობაზე დაანონსებული ღია წერილი ბიძინა ივანიშვილმა ცოტა ხნის წინ გამოაქვეყნა, რომელშიც ყოფილი პრემიერი საქართველოში დღეს არსებულ მდგომარეობაზე მისეულ ხედვებსა და სამომავლო გეგმებზე საუბრობს.

ბიძინა ივანიშვილის ღია წერილი