შავ ზღვაში ოთხშაბათს, 19 აპრილს, პანამის დროშის სატვირთო გემი Geroi Arsenala ჩაიძირა. გემზე 12 ადამიანი იმყოფებოდა. მათ შორის უკრაინის ცხრა, რუსეთის ორი და საქართველოს ერთი მოქალაქე.

ამ დროისთვის სამაშველო ოპერაციები მიმდინარეობს. როგორც საზღვაო ტრანსპორტის სააგენტოში გვითხრეს, რამდენიმე ეკიპაჟის წევრი დაკარგულია, ხოლო არის ერთი გადარჩენილი - რომელიც უკრაინის მოქალაქეა:

"დანარჩენი ეკიპაჟის წევრების ძებნა მიმდინარეობს. სამაშველო ოპერაციას რუსეთის საგანგებო სიტაუციების სამინისტრო აწარმოებს. სამაშველო ოპერაციაში ჩართულია 13 ერთეული მცურავი საშუალება".

გემი 2017 წლის 4 აპრილს იმყოფებოდა საქართველოში, კერძოდ, ფოთის ნავსადგურში. საზღვაო ტრანსპორტის სააგენტოში ამბობენ, რომ მისი ტექნიკური გამართულობა ეჭვს არ იწვევდა.

გემი თურქული კომპანიის საკუთრებაა.