რუსეთის ოფიციალური ვებგვერდი გათიშულია. მსოფლიოში ერთ-ერთი ყველაზე ცნობილი ჰაკერული ჯგუფი, Anonymous მთელი დღის განმავლობაში ამბობდა, რომ მიზანში ამოიღო რუსეთის სამთავრობო ვებგვერდები და მათ "დაესხმებოდნენ" თავს. კრემლის საიტის გათიშვაზეც მათ გაავრცელეს ინფორმაცია.

გათიშულია ასევე თავდაცვის სამინისტროს ვებგვერდიც. დღის განმავლობაში მათ უკვე გათიშეს გაზპრომის ვებგვერდი. გუშინ, 24 თებერვალს კი პროპაგანდისტული მედია Russia Today დაბლოკეს. ამ დროისთვის ორივე საიტი ხელმისაწვდომია.

რუსეთში კომპიუტერული ინციდენტების ნაციონალურ საკოორდინაციო ცენტრში, რომელიც FSB-ს შექმნილია, კიბერთავდასხმების მასშტაბი კრიტიკულად შეაფასეს. მათი თქმით, თავდასხმების ინტენსივობა გაიზარდა, მათ შორის "კრიტიკული მნიშვნელობის საინფორმაციო ინფრასტრუქტურის ობიექტებზე".