"პრეზიდენტი ყოველთვის უკრაინელ ხალხთან იქნება", — ასე პასუხობს უკრაინის საგარეო საქმეთა მინისტრი ამერიკულ მედიაში ვოლოდიმირ ზელენსკის შესაძლო ევაკუაციის შესახებ გავრცელებულ ცნობებს.

"უკრაინის პრეზიდენტი დარწმუნებულია, რომ თუ ერთიანობას შევინარჩუნებთ, საბოლოოდ გავიმარჯვებთ", — აცხადებს კულება.

21 თებერვალს ABC-მ წყაროზე დაყრდნობით გაავრცელა ინფორმაცია, რომ ვაშინგტონმა უსაფრთხოების მიზნით, რუსეთის ფედერაციისგან მომავალი მზარდი საფრთხის გამო ზელენსკისთან ლვოვში დროებით გამგზავრება განიხილა.