სეისმოლოგი თეა გოდოლაძე აცხადებს, რომ ჯავახეთი ტექტონიკურად რთული და დაძაბული რეგიონია და აფრთხილებს მოსახლეობას, რომ ლოკალურად ნაკლები კლასის მაგნიტუდის ბიძგები იქნება.

"ჯავახეთი ეს არის ტექტონიკურად რთული და დაძაბული რეგიონი საქართველოში. ჯავახეთი ასეთ პირობებში არის ყოველთვის აქტიური ყოველთვის უფრო მეტი მიწისძვრა ხდება ჯავახეთის ტერიტორიაზე, ვიდრე სხვაგან საქართველოში. დღესდღეობით ასეა, რადგან ტექტონიკურად ერთ-ერთი რთული თვისებების მატარებელი რეგიონია. ჯავახეთის სეისმურობა ჩვენთვის და ყველა სამეცნიერო წრისთვის ცნობილია. კარგია, როდესაც ასეთი ტიპის მიწისძვრებით თავისუფლდება ენერგია და აარ ხდება უფრო დიდი მიწისძვრა, რომელსაც რა თქმა უნდა, უფრო მეტი ეფექტი და პრობლემა მოაქვს მოსახლეობისთვის. ეს არის საშუალო კლასის მიწისძვრა.

ვაფრთხილებ ლოკალურად მოსახლეობას, რომ იქნება ბიძგები, ნაკლები კლასის მაგნიტუდის, მაგრამ ასეთი ბიძგები იქნება ამ მიწისძვრის შემდეგ", — განაცხადა მან მთავარი არხის ეთერში.

საქართველოში მიწისძვრა მოხდა. ბიძგები იგრძნობოდა როგორც თბილისში, ასევე, სხვა ქალაქებშიც.

დედამიწის შემსწავლელ მეცნიერებათა ინსტიტუტი-სეისმური მონიტორინგის ეროვნული ცენტრის ინფორმაციით, ეპიცენტრი სოფელი სამება იყო, ხოლო სიმძლავრე 6,2 მაგნიტუდა.