უკრაინის პრეზიდენტი, ვოლოდიმირ ზელენსკი ოკუპირებული ყირიმის მიმდებარედ საბრძოლო წვრთნებს დაესწრო. ჟურნალისტებთან საუბრისას მან განაცხადა, რომ საინფორმაციო სივრცე გადავსებულია ფართომასშტაბიან ომზე საუბრით, ასახელებენ საბარაუდო თარიღებსაც კი. მისი თქმით, ნებისმიერ დროს მზად უნდა იყვნენ, თუმცა უნდა ჰქონდეთ საკუთარი ქვეყნის და ძალების რწმენა.

"დღეს მტრის საუკეთესო მეგობარი პანიკაა ვენს ქვეყანაში, მთელი ეს ინფორმაცია, რომელიც ხელს უწყობს პანიკას, არ გვეხმარება", — განაცხადა მან.

მისივე თქმით, ყოველდღიურ რეჟიმში მუშაობენ და იღებენ ინფორმაციას დაზვერვისგან.

"ყველას მადლობლები ვართ დახმარებისთვის, მადლობელი ვართ სხვა ქვეყნების სადაზვერვო სამსახურების. ასევე, ვმუშაობთ ცალ-ცალკე დდიპლომატიურ დონეზე, ყოველდღიურად სხვადასხვა ქვეყნის ლიდერებს ვუკავშიდებით, რადგან ვთვლით, რომ დეესკალაციისა და დეოკუპაციის ერთადერთი გზა დიპლომატიური გზაა", — ამბობს ის.

11 თებერვალს ამერიკის შეერთებული შტატების სახელმწიფო მდივნმა, ენტონი ბლინკენმა განაცხადა, რომ რუსეთი უკრაინაში, შეიძლება, ნებისმიერ დროს შეიჭრას.

მოგვიანებით ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა კი მოუწოდა აშშ-ის მოქალაქეებს, დაუყოვნებლივ დატოვონ უკრაინა.

სხვა ქვეყეყნებიც, მათ შორის ბრიტანეთი, ასევე მოუწოდებენ საკუთარ მოქალაქეებს დატოვონ უკრაინა. დიდი ბრიტანეთის ელჩმა უკრაინაში, მელინდა სიმონსმა კი Twitter-ზე დაწერა, რომ კიევში რჩება და გუნდთან ერთად მუშაობას აგრძელებს.

გაიგე მეტი: