ირაკლი ღარიბაშვილს კორონავირუსი დაუდასტურდა. მთავრობის ადმინსიტრაციის ინფორმაციით, პრემიერმინისტრს ომიკრონიოს შტამი აქვს.

როგორც მთავრობაში ამბობენ, ღარიბაშვილს ვირუსი გეგმური ტესტირების ფარგლებში გამოუვლინდა და ის სრულად ვაქცინირებულია. განცხადებაში არ წერია, გაკეთებული აქვს თუ პრემიერს ბუსტერ დოზა. მათივე თქმით, ის თავს კარგად გრძნობს და მუშაობას დისტანციურ რეჟიმში განაგრძობს.

ეს რეინფიცირების შემთხვევაა — მანამდე პრემიერმინისტრს კორონავირუსი 2021 წლის 6 აპრილსაც დაუდასტურდა.

31 იანვრის მონაცემებით, ქვეყანაში კორონავირუსის 13 150 ახალი შემთხვევა დადასტურდა, გამოჯანმრთელდა — 8 503, ხოლო გარდაიცვალა 35 ადამიანი. პანდემიის გავრცელებიდან დღემდე გამოვლინდა ინფიცირების 1 175 923 შემთხვევა.