პრეზიდენტი, სალომე ზურაბიშვილი ამბობს, რომ ეროვნული შეთანხმების პროცესის ახსნისთვის დაურეკა ბიძინა ივანიშვილს, თუმცა მან უპასუხა, რომ პოლიტიკაში აღარ არის.

"რაც შეეხება ბატონ ბიძინა ივანიშვილს, მე ძალიან თავისუფლად გიპასუხებთ, რომ არ მქონია მასთან არანაირი ურთიერთობა თითქმის ბოლო ორწერილწად-ნახევარი და იმასაც გეტყვით, რომ მქონდა სურვილი მისთვისაც ამეხსნა ეს პროცესი, შევთავაზე, მაგრამ მიპასუხა, რომ მე პოლიტიკაში აღარ ვარო. არც მითქვამს წინასწარ, რომ საუბარი ამაზე იქნებოდა, მაგრამ საუბარი არ შედგა. მე ვთვლი, რომ ვარ ამ პროცესში სრულიად დამოკიდებული, მაგრამ დამოკიდებული საზოგადოებაზე და საზოგადოება გადაწყვეტს ეს პროცესი რამდენად წინ წავა და თუნდაც ის, თუ რაღაც დაპირისპირების, დუღილის კოეფიციენტი ცოტა ჩაცხრება და მე მგონი, ცოტათი მაინც ჩაცხრა, იმედი მაქვს ეს საუბრები, პირველ რიგში, ამას მოიტანს და მერე კიდევ მეტი იმედები მაქვს, მაგრამ ვნახოთ", — განაცხადა მან.

მისივე თქმით, პრეზიდენტად არჩევის დღიდან ბიძინა ივანიშვილისგან არცერთი მოთხოვნა, მითითება და ინსტრუქცია არ მიუღია.