26 იანვარს კობი ბრაიანტისა და მისი 13 წლის შვილის გარდაცვალებიდან 2 წელი გავიდა. მათთვის პატივის მისაგებად კალიფორნიაში, ავიაკატასტროფის ადგილას ბრინჯაოს ქანდაკება დადგეს. ავარიას ბრაიანტების გარდა კიდევ 7 ადამიანის სიცოცხლე ემსხვერპლა.

ბრაიანტის ფიგურას Lakers-ის ფორმა აცვია, მის შვილს კი ხელში კალათბურთის ბურთი უჭირავს. ქანდაკებაზე ავიაკატასტროფაში დაღუპული კიდევ 7 ადამიანის სახელიცაა ამოტვიფრული.

გამოძიების პირველადი შედეგებით, კობი ბრაიანტის თვითმფრინავის ჩამოვარდნის მიზეზი მფრინავის მხრიდან წესების დარღვევა გახდა. მფრინავი ცუდ ამინდში ღრუბლებში შეფრინდა, ხილვადობის ნაკლებობის გამო კი ფრენა, სამწუხაროდ, ფატალურად დასრულდა. მოგვიანებით ბრაიანტის ცოლმა ვერტმფრენის მფლობელ კომპანიას სასამართლოში უჩივლა.

კობი ბრაიანტი კალათბურთის ერთ-ერთ ყველაზე დიდ ვარსკვლავადაა აღიარებული. ის 20 წლის განმავლობაში ლოს-ანჯელეს ლეიკერსში თამაშობდა. მოგებული აქვს, NBA-ს ხუთი ჩემპიონატი და 18 All Star თამაში. ის იყო ყველაზე ახალგაზრდა მოთამაშე, რომელიც NBA-ში თამაშში 18 წლის ასაკში დაიწყო და კარიერა 2016 წელს დაასრულა. ბრაიანტი NBA-ს ისტორიაში პირველი მცველია, რომელმაც მინიმუმ 20 სეზონი ითამაშა.

ამავე თემაზე: