სასამართლო დოკუმენტების თანახმად, ვანესა ბრაიანტმა თავისი ქმრის, კობი ბრაიანტისა და შვილის, ჯიანას გარდაცვალების შესახებ სოციალური მედიის საშუალებით შეიტყო.

ვანესამ ლოს-ანჯელესის ოლქის წინააღმდეგ გასულ წელს საჩივარი შეიტანა და ამტკიცებდა, რომ 2020 წლის იანვარში კობისა და ჯიანას ვერტმფრენის ჩამოვარდნის ადგილას გადაღებული ფოტოების გაჟონვის გამო ძლიერი ემოციური ტკივილი მიიღო.

ვანესა ბრაიანტმა სარჩელში დეტალურად აღწერა 12 ოქტომბრის მოვლენები: თავდაპირველად ოჯახის ასისტენტმა შეატყობინა, რომ კობი და ჯიანა ავიაკატასტროფაში მოყვნენ, რასაც მხოლოდ ხუთი ადამიანი გადაურჩა. როცა ქმართან ტელეფონით დაკავშირებას ცდილობდა, სოციალური ქსელებიდან უამრავ შეტყობინებას იღებდა ტექსტით "RIP Kobe".

ფოტო: FILMMAGIC

მას ავარიის ადგილზე მისვლა სურდა, მაგრამ უამინდობის გამო ვერტმფრენის დაქირავებაზე ლოს-ანჯელესის ოლქის შერიფის განყოფილებაში უარი უთხრეს. საბოლოოდ, მხოლოდ რამდენიმე საათის შემდეგ დაუდასტურეს კობისა და ჯიანას გარდაცვალება, მანამდე კი მის შეკითხვებს არ უპასუხეს.

ვანესას მთავარი მოთხოვნა იყო, რომ ავარიის ტერიტორია ფოტოგრაფებისგან დაცული ზონა ყოფილიყო და მისი გარდაცვლილი ქმრისა და შვილის ფოტოები არავის გაევრცელებინა. მიუხედავად მისი თხოვნისა, გარდაცვლილების ფოტოები თავდაპირველად შერიფის დეპარტამენტში გავრცელდა და 48 საათის განმავლობაში ისინი მინიმუმ პოლიციის 10-მა თანამშრომელმა მიიღო ეს კადრები პირად მობილურში.

ფოტო: Vannesa Bryant Instagram


"ასეთი ტრაგედიის შემდეგ უბრალოდ არ მესმის, როგორ შეიძლება თანაგრძნობის ნაცვლად ვინმემ შემთხვევით ისარგებლოს და უმწეო გვამების ფოტოები საკუთარი ავადმყოფური გართობისთვის გაავრცელოს", — განაცხადა ვანესამ პროცესზე. გარდაცვლილი კობი ბრაიანტის მეუღლე ამ შემთხვევას უკავშირებს მის ემოციურ აშლილობას და ამის დასადასტურებლად მას მოწმეებიც ჰყავს.

კალათბურთის ერთ-ერთ ყველაზე დიდ ვარსკვლავად აღიარებული კობი ბრაიანტი 41 წლის ასაკში 2020 წლის 26 იანვარს ავიაკატასტროფაში დაიღუპა.

ასევე იხილეთ: