NDI-ის კვლევის მიხედვით, 2021 წლის დეკემბრის თვის მონაცემებით, მოსახლეობის 83%-სთვის ევროკავშირში ინტეგრაცია მისაღებია, 8%-სთვის მიუღებელი, ხოლო 8%-მა არ იცის.

2020 წლის დეკებრის კვლევაში მოსახლეობის თორმეტმა პოროცენტს არ ჰქონდა ამ კითხვაზე პასუხი, 80%-სთვის მისაღები იყო, 8%-სთვის კი მიუღებელი.

ფოტო: NDI

ამავე კვლევის მიხედვით, პოლიტიკური შეხედულებების მიუხედავადб მოქალაქეები თანხმდებიან, რომ ევროკავშირში გაწევრიანება მნიშვნელოვანია.

2021 წლის დეკემბრის თვის მონაცემებით მოსახლეობის 77% მხარს უჭერს საქართველოს NATO-ში გაწევრიანებას. მხოლოდ 11%-სთვისაა NATO-ში გაწევრიანება მიუღებელი.

ფოტო: NDI

NDI-ის კვლევის მიხედვით, პოლიტიკური შეხედულებების მიუხედავადб მოქალაქეები თანხმდებიან, რომ NATO-ში გაწევრიანება მნიშვნელოვანია.

საქართველოში საზოგადოების განწყობის კვლევა NDI-ის დაკვეთით, CRRC საქართველოს მიერ ჩატარდა.

კვლევა საზოგადოების განწყობა საქართველოში NDI-ის დაკვეთით, CRRC საქართველოს მიერ ჩატარდა. აღნიშნული კვლევა 2021 წლის 7-13 დეკემბრის პერიოდში საქართველოს მასშტაბით 2 099 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1,4 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.