10 გიფი, რომელიც წვეულებაზე მყოფ ინტროვერტებს ზუსტად აღწერს

ხალხმრავალი შეკრებები ინტროვერტებისთვის ხშირად ზედმეტად დამთრგუნველია. განსაკუთრებით ისეთი წვეულებები, სადაც უმრავლესობას არ იცნობ, ხმაურია, სივრცე გადაჭედილია და ლამის კლაუსტროფობია გიტევს. ასეთ დროსტარებას ინტროვერტები ხშირად შინ ყოფნას ამჯობინებენ ხოლმე.

თუ სახლიდან გასვლის შემდეგ არაერთხელ გინანია მეგობრისთვის ან საკუთარი თავისთვის მიცემული პირობა, რომ ხალხში გაერეოდი, მაშინ ეს სტატია შენთვისაა.

ქვემოთ იმ 10 გიფს წარმოგიდგენთ, რომლებიც ერთი ერთში აღწერს ყველა სიტუაციას, რომელთაც ინტროვერტები წვეულებებზე ეტაპობრივად გადიან.

1. ერთადერთ ნაცნობს არ შორდები

სხვას არავის იცნობ და აბა როგორ, უცხოებს ხომ არ გამოელაპარაკები?! თუმცა, ყოველთვის არის იმის რისკი, რომ გაუგონარ ალიაქოთში ერთხელ მოდუნდე და შენი მეგობარიც აორთქლდეს, რის გამოც მაინც მოგიწიოს უცხოებისთვის იძულებით ხმის გაცემა.

2. სასოწარკვეთილი ცდილობ, სასაუბრო თემა შეარჩიო

რაში გეტყობა სასოწარკვეთილება? როცა ამინდზე იწყებ ლაპარაკს.

3. უხერხული სიჩუმე

ეს ძირითადად მაშინ ხდება, როცა ფიქრობ, ახლა რა თქვა და გგონია, რომ სიტყვის სიტყვაზე გადაბმას საუკუნეებს ანდომებ.

4. ოთახის კუთხეში განცალკევებით ყოფნა

რაღაც მომენტში იმაზე ფიქრი გაშფოთებს, მეტისმეტად მარტოსული ხომ არ ჩანხარ, ამიტომ ცდილობ, სხვებს აფიქრებინო, რომ ძალიან კარგადაც ერთობი. თუმცა შემდეგ შენი ეს მცდელობა გვერდიდან კიდევ უფრო უცნაური სანახავი გეჩვენება და ამაზე ღონდები.

5. იმაზე ფიქრი, რა იქნებოდა, სახლში რომ დავრჩენილიყავიო

სახლი, საძინებელი, ლოგინი, სიჩუმე, შოკოლადები, პიჟამა, სერიალი...

6. თავს აჩვენებ, რომ ვიღაცას წერ

სულ ვიღაცას ხომ არ მიაშტერდები, ამიტომ თავს ისე აჩვენებ, რომ ძალიან მნიშვნელოვანი ან სახალისო მიმოწერა გაქვს ვიღაცასთან მობილურში.

7. სოციალური მედიის თვალიერებას იწყებ

როცა მიმოწერის წარმოდგენა გბეზრდება, ნებდები და უბრალოდ უცხოების ფოტოებს ათვალიერებ ინსტაგრამზე ან ვიღაცების ფეისბუქსტატუსების კომენტარებს კითხულობ ძალიან სერიოზული სახით.

8. შინაურ ცხოველს თუ გადააწყდი, შენზე ბედნიერი არავინ იქნება

თუ ვიღაცის სახლში მობინადრე ცხოველს გადააწყდი, უკვე ზუსტად იცი, სახლში წასვლამდე დროს როგორ გაატარებ.

9. ტუალეტი — ერთადერთი თავშესაფარი

ასეთ დროს მთავარი საფრთხე ისაა, არ გკითხონ, ამდენი ხანი რას შვრები ტუალეტშიო...

10. როცა პირველი მიდიხარ სახლში

წვეულებაზე "ყოფნის" ყველაზე კარგი ნაწილი.

ამავე თემაზე:

Responsible.ge ევროპაბეთის პლატფორმაა, რომელიც საზოგადოებაში აზარტული თამაშების შესახებ ცნობიერების ამაღლებასა და პასუხისმგებლობიანი თამაშის პოპულარიზაციას ემსახურება. ამასთანავე, პლატფორმის დახმარებით, შეგიძლიათ, გაეცნოთ პასუხისმგებლობიანი თამაშის ხელსაწყოებსა და ანგარიშებს, ასევე ინფორმაციას ევროპაბეთის პასუხისმგებლობის შესახებ საზოგადოების მიმართ, ბიზნესსა და კომუნიკაციაში.

ბოლო ამბები:

გირჩევთ