პრემიერმინისტრის, ირაკლი ღარიბაშვილის განცხადებით, მიზნობრივ ჯგუფებს მთავრობა ელექტროენერგიის ტარიფის ნაზარდს დაუსუფსიდირებს. ამის შესახებ მან მთავრობის სხდომაზე ისაუბრა.

"ეს შეეხება 150 000 და ნაკლები ქულის მქონე მოსახლეობას, რაც დაახლოებით, მილიონ ადამიანს შეადგენს. მოგეხსენებათ, რომ აღნიშნული პროგრამა გვქონდა პანდემიის დაწყების დღიდან, გრძელდებოდა ორი წელი, იანვარში შეწყდა და მივიღეთ გადაწყვეტილება, რომ აღნიშნული პროგრამა გავაგრძელოთ",— აღნიშნა მან.

ღარიბაშვილის თქმით, პროგრამა იანვრიდან ამოქმედდება და მთელი წლის განმავლობაში გაგრძელდება.