ლეგენდარული ფრანგი მსახიობი, ოსკარის ნომინანტი იზაბელ იუპერი კანის 70-ე კინოფესტივალზე პროგრამა Women in Motion-ის სახე იქნება. რაც იმას ნიშნავს, რომ იუპერი ფესტივალს მნიშვნელოვანი მისიით დაესწრება - ის კანში ჩასულ ქალ კინოხელოვანებს კინოინდუსტრიაზე დაელაპარაკება.

აღსანიშნავია, რომ პროგრამა Women in Motion კინოფესტივალზე ახალგაზრდა ფავორიტსაც ამოირჩევს, რომელსაც პრიზად 50 ათას ევროს გადასცემს.

იზაბელ იუპერი არის ერთადერთი მსახიობი, რომელიც ფრანგული კინოპრემია სეზარზე 15-ჯერ იყო ნომინირებული. ასევე არის იმ ოთხ მსახიობს შორის, რომელსაც კანის კინოფესტივალზე ორჯერ გადასცეს ოქროს პალმის რტო საუკეთესო მსახიობის ნომინაციაში.

კანის კინოფესტივალი წელს 17 მაისს დაიწყება, ჟიურის თავმჯდომარე კი პედრო ალმოდოვარი იქნება.