NATO-ს გენერალური მდივნის, იენს სტოლტენბერგის განცხადებით, ალიანსის გაფართოება მნიშვნელოვანია ევროპაში სტაბილურობის, მშვიდობის და დემოკრატიის თავისუფლებისთვის. მისი თქმით, გასულ წელს ჩრდილოეთ მაკედონიისა და მონტენეგროს ახალ წევრებად მიღება აჩვენებს, რომ NATO-ს კარი ღიაა.

"ვფიქრობ, ჩვენ უნდა გვესმოდეს, რომ ნატოს გაფართოება უკიდურესად მნიშვნელოვანია ევროპაში სტაბილურობის, მშვიდობის და დემოკრატიის თავისუფლებისთვის. ნატოს და ევროკავშირის გაფართოებამ ბევრი სარგებელი მოუტანა გასულ ათწლეულში ევროპას დემოკრატიის გაძლიერების კუთხით [პირველი არხის თარგმანი]", — თქვა სტოლტენბერგმა.

მან, ასევე, თქვა რომ ერთგულები რჩებიან ბუქარესტის სამიტზე მიღებული გადაწყვეტილების და უკრაინასა და საქართველოს რეფორმების განხორციელების პროცესში ეხმარებიან. სტოლტენბერგის თქმით, რეფორმები აძლიერებს საზოგადოებას, ხოლო მტკიცე და კარგად ფუნქციური საზოგადოება ნაკლებად მოწყვლადია რუსეთის ჩარევის მიმართ.

დღეს, 7 იანვარს NATO-ს ქვეყნების საგარეო საქმეთა მინისტრებმა უკრაინის თემაზე ვიდეოკონფერენცია გამართეს. 10 დეკემბერს ჟენევაში დაგეგმილია აშშ-სა და რუსეთის დიპლომატების შეხვედრა.