ქართული ოცნების დეპუტატი, ირაკლი ზარქუა ფიქრობს, რომ ოპოზიციის მიერ პარლამენტში არშესვლის გადაწყვეტილება განპირობებული იყო არა პრინციპულობით, არამედ იმით, რომ ისინი მოსახლეობაზე და ერთმანეთზე იყვნენ განაწყენებულები. ასე ეხმაურება ის ლეიბორისტული პარტიის ლიდერის, შალვა ნათელაშვილის განცხადებას პარლამენტში შესაძლო შესვლასთან დაკავშირებით.

"იქ, როდესაც ფანჩატურში იკრიბებოდნენ შალიკ... შალვას, აი, ეს ოპოზიცია და ბოიკოტს... მაშინაც ხომ ვამბობდით, რომ ეს იყო არა პრინციპებზე, არა ღირებულებებზე, არამედ, ეს იყო განაწყენებული, ვიღაცა მოსახლეობაზე იყო განაწყენებული, ვიღაცა ერთმანეთზე იყო განაწყენებული, ვიღაცა, ვთქვათ, ის მანდატი რომ ვერ მიიღო, ამაზე იყო განაწყენებული. ეს, ადრე თუ გვიან დამთავრდებოდა, ხომ ვთქვით, რომ შემოვიდოდნენ და აჰა, მოვესწარით იმ დღეს თქვენც, მეც, რომ ბატონი შალვა პარლამენტში აპირებს შემოსვლას", — განაცხადა მან.

ზარქუა ამბობს, რომ ნათელაშვილის პარლამენტში შესვლა მხოლოდ იმ ადამიანებისთვის იქნება ცვლილების მომტანი, ვისაც სჯერა, რომ ის "მხსნელია", ან "გუგავა ყველგან მივა".

"გარკვეული რაოდენობის მხარდამჭერისთვის, ვისაც ჰგონიათ, რომ შალვა არის მხსნელი და გუგავა ყველგან მივა, აი, იმათთვის, ალბათ, რაღაც შეიცვლება, იმიტომ, რომ მათი ხმა, გაჟღერდება პარლამენტში", — თქვა მან.

შალვა ნათელაშვილმა გუშინ, 6 იანვარს განაცხადა, რომ თუ პარტია მიიღებს ამ გადაწყვეტილებას, ის პარლამენტში შევა.

გაიგე მეტი: