ლეიბორისტული პარტიის ლიდერის, შალვა ნათელაშვილის განცხადებით, თუ პარტია მიიღებს ამ გადაწყვეტილებას, ის პარლამენტში შევა.

"ეს ჩემი პირადი სურვილი არ არის, ეს შეიძლება ჩემი ტრაგედიაც იყოს იმიტომ, რომ 25 წელია ვიბრძვი იმისათვის, რომ უმრავლესობით მოვიდე და ხალხს რაღაც გავუკეთო, ღარიბს შვება მივცე, უმუშევარს სამუშაო ვაშოვნინო, სწავლის მსურველს განათლების საშუალება მივცე, ავადმყოფს წამალი და ექიმის უზრუნველყოფა გავუკეთო, ტერიტორიული მთლიანობა აღვადგინო, ამას ყველაფერს უნდოდა უმრავლესობით მოსვლა და არა ერთი დეპუტატის შეკინკილება იქ.

ეს ჩემთვის არის სიკვდილი და შეურაცხყოფა, მაგრამ როცა ხალხისა და ქვეყნის ინტერესებზეა საქმე, ამ შემთხვევაში პირადი ემოცია და შეურაცხყოფა ხანდახან მეორეხარისხოვანია, ამიტომ მზად ვიქნები ეს ნაბიჯი გადავდგა, თუ პარტია მიიღებს გადაწყვეტილებას, ეს ერთი და რა თქმა უნდა, ჩვენ გავაკეთებთ გამოკითხვას სოციალურ ქსელებში მოსახლეობის, რას იტყვის ხალხი გამოკითხვის დროს", — განაცხადა მან TV პირველის ეთერში.

მისივე თქმით, პარტიაში მიდის მსჯელობა პარლამენტში შესვლასთან დაკავშირებით, მიუხედავად იმისა, რომ ის ამაზე თანახმა არ არის.