გარემოს ეროვნული სააგენტოს ინფორმაციით, საქართველოში 1 იანვრამდე უნალექო ამინდი შენარჩუნდება, ტემპერატურა კი დასავლეთ საქართველოში +11, +16, ხოლო აღმოსავლეთ საქართველოში +7, +12 გრადუსი იქნება.

მათივე ცნობით, ახალი წლის ღამის საათებში დასავლეთ საქართველოს ზოგიერთ რაიონში გაწვიმდება, მთაში მოთოვს, აღმოსავლეთ საქართველოში კი 1 იანვრის შუადღემდე უნალექო ამინდი იქნება.

"1 იანვარს დღისით დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია ნალექი, დაბლობსა და ბარში წვიმის, მთაში და მაღალმთაში თოვლის სახით. 2-3 იანვარსაც დროგამოშვებით ნალექიანი ამინდი იქნება, შედარებით აცივდება, ზოგან იქროლებს დასავლეთის მიმართულების ქარი", — აცხადებენ სააგენტოში.

რაც შეეხება თბილისს, გარემოს ეროვნულ სააგენტოში ამბობენ, რომ დედაქალაქში ახალი წლის ღამეს ტემპერატურა 0, -1, ხოლო დღის საათებში +9, +11 გრადუსი იქნება. მათივე ცნობით, 2 და 3 იანვარს ჩრდილო-დასავლეთის მიმართულების ქარი იქროლებს, ტემპერატურა კი 2-3 გრადუსით დაიკლებს.