1-10 იანვარი საჯარო სექტორში დასაქმებულებისთვის უქმე დღეებად ცხადდება. რაც შეეხება კერძო სექტორს, საკოორდინაციო საბჭოსთან არსებული ოპერაციული შტაბის უფროსის, გიორგი ღიბრაძის განცხადებით, მათ გადაწყვეტილების მიღება დამოუკიდებლად შეუძლიათ.

"როგორც ცნობილია, სკოლებში არის არდადეგები 29 დეკემბრიდან 17 იანვრის ჩათვლით. დამატებით, საბჭომ მიიღო გადაწყვეტილება, რომ უქმე დღეებად გამოცხადდეს 10 იანვრამდე პერიოდი 1-ლი იანვრიდან დაწყებული. ეს ეხება საჯარო დაწესებულებებს, ხოლო კერძო სექტორმა შეუძლია თავისით მიიღოს გადაწყვეტილება და იგივენაირად, უქმე დღეებად გამოაცხადოს 1-დან 10 იანვრამდე პერიოდი", — განაცხადა ღიბრაძემ.

დღევანდელი საკოორდინაციო საბჭოს სხდომის შემდეგ გამართუ ბრიფინგზე ღიბრაძემ, ასევე, განაცხადა, რომ კლუბების გახსნასთან დაკავშირებით გადაწყვეტილება ჯერ არ მიუღიათ.