10 მიზეზი, რატომ იყო ჩვენს ბავშვობაში წიგნი საუკეთესო საახალწლო საჩუქარი

თუ ბავშვობაში საბნის ქვეშ ფანრით კითხვაში ბევრი დრო გაქვთ გატარებული, აუცილებლად გეცოდინებათ ეს ათი მიზეზი, რის გამოც წიგნი საახალწლოდ საუკეთესო საჩუქარია:

1. მშობლები არასდროს გვთხოვდნენ წიგნის გაზიარებას

აი ტკბილეულის გაყოფა კი ნამდვილად გვიწევდა.

2. საათობით გართობა გარანტირებული გვქონდა

ზამთრის არდადეგებზე თამაში ან ტელევიზორის ყურება თუ მოგვბეზრდებოდა, წიგნები გველოდნენ.

3. კითხვა დასასვენებლად წასვლას ჰგავდა

თუ რაიმე მიზეზის გამო ქალაქიდან გასვლას ვერ ვახერხებდით, წარმოსახვითი მოგზაურობა წიგნებთან ერთად ყოველთვის შეგვეძლო.

4. ახალი წიგნით ახალ მეგობარს ვიძენდით

არა მარტო წარმოსახვით სამყაროს და არაჩვეულებრივ დასვენებას, არამედ მეგობარსაც გვჩუქნიდნენ.

5. ელემენტები არ სჭირდებოდა

ტეტრისის სათამაშო მოწყობილობისგან განსხვავებით, არ დაჯდებოდა — გვჭირდებოდა მხოლოდ კარგი ამბავი და წარმოსახვა.

6. პატარა და ან ძმა ვერ მიისაკუთრებდა ან გაანადგურებდა

ცხადია, შეიძლება ფურცლები ამოეხია, მაგრამ დესტრუქციული ძალა ალბათ უფრო სათამაშოებისკენ ექაჩებოდა.

7. წიგნები უშრეტი მარაგი იყო წარმოსახვისთვის

როცა ახალ სამყაროში შევაბიჯებდით, ისეთ რამეებს წარმოვიდგენდით, რაც არც კი გვეგონა, თუ შეგვეძლო.

8. წიგნები თავს ზრდასრულად გვაგრძნობინებდა

ნაჩუქარი წიგნები ერთდროულად ზრდასრულადაც და ბავშვადაც გვაგრძნობინებდა თავს, რაც, დაგვეთანხმებით, ჯადოსნური შეგრძნება იყო.

9. მშობლებს წიგნზე არასდროს უთქვამთ უარი

საჩუქრად წიგნის მიღების სურვილზე ოდესმე უარი მიგიღიათ?

10. სხვა საჩუქრებისგან განსხვავებით, წიგნი არასდროს "ილეოდა"

თუნდაც ასჯერ წაგვეკითხა, რაღაც საინტერესო დეტალს აუცილებლად ვპოულობდით და რთული იყო, წიგნი მოგვბეზრებოდა.

ბონუს მიზეზი: ვერასდროს გავიზრდებით იმხელა, რომ ბავშვობისდროინდელ საყვარელ წიგნებს აღარ მივუბრუნდეთ

ბავშვობაში ნაჩუქარი სათამაშოები ახლა სად გვიწყვია შეიძლება არც კი ვიცოდეთ და არც იმ დივიდი დისკებს ვრთავდეთ, თინეიჯერობაში რომ დიდი ხვეწნის შემდეგ გვიყიდეს, მაგრამ აი საბავშვო წიგნებს შეიძლება ზრდასრულობისასაც არაერთხელ მივუბრუნდეთ. წარმოგიდგენიათ თქვენი თავი იმდენად დიდი, რომ ასტრიდ ლინდგრენის საოცარი სამყარო საინტერესოდ აღარ მოგეჩვენოთ?

თუ ეს ყველაფერი თქვენთვისაც ნაცნობია და თვლით, რომ კარგი ამბის ჩუქება ბავშვებისთვის ძალიან მნიშვნელოვანია, 3 იანვრის ჩათვლით ისარგებლეთ საახალწლო ფასდაკლებით სულაკაურის წიგნის მაღაზიებში, საიტზე და შეურჩიეთ ბავშვებს საუკეთესო საჩუქრები.

ბოლო ამბები:

გირჩევთ