ტერორისტულმა დაჯგუფებამ ISIS-მა ახალი აუდიო მიმართვა გამოაქვეყნა ამერიკის მისამართით, რომელშიც დონალდ ტრამპს იდიოტს უწოდებს. ინფორმაციას CNN ავრცელებს.

37 წუთიან მესიჯში ე.წ. ისლამური სახელმწიფოს წევრი აბუ ჰასან ალ-მუჰაჯირი საუბრობს:

"ამერიკა, გაკოტრებული ხარ და შენი აღსასრული სახეზეა, რასაც თქვენი სულელი, იდიოტი მმართველიც მოწმობს. მან არ იცის, რას წარმოადგენს ლევანტი, ერაყი ან ისლამი და განაგრძობს თავის ჰალუცინაციებში ყოფნას, რომ მტრობა გამოხატოს ან ომი გააჩაღოს ისლამის წინააღმდეგ".

ეს პირველი შემთხვევა არ არის, რაც ტერორისტული დაჯგუფება ამერიკის პრეზიდენტს მიმართავს ან ემუქრება. თებერვალში, ალქაიდას ლიდერმა თქვა, რომ "თეთრი სახლის ახალი სულელი სახეში სილას მიიღებდა".