10 რამ, რაც ზუმერის საახალწლო ვიდეოში, შესაძლოა, ვერ შენიშნეთ
ზუმერის საახალწლო ვიდეოები შოკოლადის ყუთს ჰგავს — არასოდეს იცი, რა დაგხვდება გახსნის შემდეგ. მეტიც, გულდასმით ყურების შემთხვევაშიც კი არსებობს ალბათობა იმისა, რომ ყველა დეტალი ვერ შეამჩნიო ან ბოლომდე გაშიფვრა ვერ შეძლო. ამიტომ ამ სტატიაში ზუმერის ბოლო საახალწლო რეკლამის სწორედ ასეთ ელემენტებს მოვუყარეთ თავი:
1. რენე მაგრიტის გაცოცხლებული ტილო
iPhone-ით ვაშლის ჩანაცვლება პოპკულტურაში ახალი ხილი ნამდვილად არ არის. თუმცა, ამჯერად მაგრიტის ცნობილ ტილოზე გამოსახული "ძე კაცისა" უკვე "ასულად" იქცა და ვაშლთან ერთად სახეც იცვალა მაყურებლის წინაშე.
2. ბალენსიაგას სტილში გამოწყობილი უცნობები
ვიდეოს დასაწყისში ადვილად შეამჩნევდით, თუ როგორ მიდი-მოდის მოდის მიმდევარი ორი ადამიანი ხელის ცეცებით ზუმერის მაღაზიაში. თუმცა შემჩნევისაგან განსხვავებით, მათი ვინაობის დადგენა შესაძლოა უფრო რთული ამოცანა აღმოჩნდეს. მართლაც, ვინ შეიძლება იყოს მოიასამნისფრო ფორმაში გამოწყობილი ორი, თითქმის ერთი და იმავე სიმაღლის ქალი, რომელთაც ზუმერის მაღაზიაში საჩუქრის შეძენა ვინაობის გამხელის გარეშე სურთ? ვინ შეიძლება იყოს და... რავიცი?! ვიცი?! რავიცი...
3. მოსეს ვარცხნილობა
თუ ყურსასმენებს ხშირად იყენებთ და არც თმის ღერების ოდენობას უჩივით, შესაძლოა, ვარცხნილობის ამგვარი სტილი მოგეწონოთ კიდეც. თან ყურსასმენებისგან თავისუფალ დროს ამ თმათაშორის სივრცეში შეგიძლიათ სათვალე, პირბადე, ხელსახოცი და სხვა წვრილ-წვრილი ნივთებიც შეინახოთ ხოლმე.
4. "ვერაგო"-ს საფუძვლები
სიმღერის ერთ-ერთ მონაკვეთში ლადო ბურდული ძველ წელს აუგად, "ვერაგო"-თი მოიხსენიებს, რაც შესაძლოა, ამგვარ საახალწლო ატმოსფეროში ოდნავ ამოვარდნილადაც მოგეჩვენოთ. თუმცა, თუკი Love Is All Around-ის შესაბამის მონაკვეთებს (Oh, everywhere I go / It’s everywhere I go) მოისმენთ, სხვა დროს ნამდვილად გაგიჭირდებათ, რომ აღნიშნულ ტაეპებში "ვერაგოს" გარდა სხვა სიტყვის აღქმა შეძლოთ.
5. ZINNDER
სწორედ ასე ეწოდება გულთამხილველ აპარატს, რომელიც ზუმერი“ მაღაზიაში შესულ მომხმარებელს ჩუქებასთან დაკავშირებულ ორ ყველაზე მნიშვნელოვან შეკითხვაზე — "ვის ვაჩუქო?" და "რა ვაჩუქო?" პასუხის გაცემაში ეხმარება. წარწერა მხოლოდ ერთხელ, ისიც ბუნდოვნად ჩანს, რაც გარკვეულწილად იმაზეც მიუთითებს, რომ ზუმერისა და ტინდერის მარტივი სინთეზით მიღებული ეს სახელი რეკლამის სცენარისტის მაგნუმ ოპუსს ნამდვილად არ წარმოადგენს.
6. გია ჯაჯანიძის კომპანიონები
თუ უსწრაფესად მოძრავ კადრებში კონკრეტული ფიგურის ამოცნობის სუპერძალას არ ფლობთ, ან წამში ერთხელ ვიდეოს დაპაუზების უსარგებლო მოთხოვნილება არ გაგაჩნიათ, გია ჯაჯანიძის საჩუქრის პოტენციური ადრესატების შემჩნევა ძალზედ გაგიჭირდებოდათ. არადა, მათ შორის ვირისა და მამლის გარდა, ციცქნა დრაკონის, უდარდელად მონებივრე უცხოპლანეტელისა და შეფი კონსტანტინეს აღმოჩენაცაა შესაძლებელი. უცხო რასის წარმომადგენლებთან ერთად კონსტანტინეს გამოჩენა კი ერთგვარად ხსნის, თუ რატომ შეიძლება ვიდეოს ბოლო სცენაში ის სენსეისთან ერთად პლანეტა ჯაჯანზე იმყოფებოდეს.
7. "ჯერ დახლზე და მერე ვნახოთ"
ფოტო: ზუმერი
თუკი ადამიანთა სამყაროში ახალ წელთან დაკავშირებული ტრადიციული გეგმა "ჯერ სახლში და მერე ვნახოთ"-ის გარშემო ტრიალებს, ზუმერული საჩუქრების დანიშნულების საბოლოო პუნქტი, პირიქით, სწორედაც რომ სახლია.
8. ოქროს ფირფიტა
კადრში, სადაც გია ჯაჯანიძეს "ზინდერის" არჩევანი აბედნიერებს, სენსეის ხელში ოქროს ფირფიტა შეგვიძლია დავინახოთ. ეს მცირე მინიშნებაა იმ "ვოიაჟერის" ვოიაჟზე, რომელმაც ბევრ სხვა კომპოზიციასთან ერთად ქართული "ჩაკრულოც" გაიყოლა კოსმოსში და ჯერჯერობით (თუ ამ ვიდეოს არ დავუჯერებთ, ცხადია) კვლავაც დინჯად მიაქვს უსასრულობის მიმართულებით.
9. ტიკტოკერი სტუდიაში
ფოტო: ზუმერი
გოგო, რომელიც დედისათვის საჩუქარს არჩევს, ტიკტოკზე ferreroeffe-ს სახელითაა ცნობილი და მისი ვიდეოების დიდი ნაწილი დედის მფლობელობაში არსებული უცნაური ნივთების არსისა თუ რაობის ამოხსნას ემსახურება. თუმცა, ამჯერად, ბედის (ან სცენარისტის გულკეთილობის) წყალობით, საჩუქრის ფუნქციურობის დასადგენად ბევრი მარჩიელობა ნამდვილად არ გახდება საჭირო.
10. 4:25
ფოტო: ზუმერი
ზუმერის მხატვრულ ვიდეოთა კომენტარებში ყველაზე ხშირად დასმული შეკითხვების ათეული რომ შედგეს, "რას ეწევით ამისთანას?" ერთ-ერთ საპატიო ადგილს დაიკავებს. სწორედ ამიტომ, უცხოპლანეტელისა და შეფი კონსტანტინეს სცენის წინ, როდესაც ამ შეკითხვას ყველაზე მეტი ლეგიტიმაცია შეიძლება ჰქონდეს, ტიტრებში ოთხი საათი და ოცდახუთი წუთი ჩნდება. ირიბი მინიშნება იმაზე, რომ თუკი ამ სცენაზე ხუთი წუთით ადრე გადავიდოდით, შესაძლოა, იქ მხოლოდ ფირსაკრავი აღარ დაგვენახა...
ბონუსი: ღილების რაოდენობა შეფი კონსტანტინეს პერანგზე
ფოტო: ზუმერი
საფუძვლიანად დაკვირვების შემთხვევაში, შენიშნავთ, რომ ბოლო სცენაში შეფი კონსტანტინეს პერანგზე კენტი ოდენობის, ვერტიკალურად განლაგებული, მრგვალი, ოქროსფერი, მიჯრით ჩალაგებული ცხრამეტი ღილია, რაც, ცხადია, არც არაფერს ნიშნავს. უბრალოდ, გვინდოდა, რომ ამგვარი დეტალური აღწერით მისი კოსტიუმის ელეგანტურობისთვის ხაზი გაგვესვა.
ეს იყო და ეს, რისი აღმოჩენაც ჯერჯერობით შევძელით. ხოლო მათთვის, ვისაც ზუმერის ახალი საახალწლო რეკლამა ჯერ კიდევ არ უნახავს, მაგრამ მაინც დინჯად და უდრტვინველად აგრძელებს ამ სტატიის კითხვას, ერთადერთი შეკითხვა გვაქვს: რას ელოდებით?!
-
გადახედვაჯგუფმა "მგზავრებმა" თბილისის მერიის მიერ დაორგანიზებული კონცერტი გააუქმა ჯგუფმა "მგზავრებმა" თბილისის მერიის მიერ დაორგანიზებული კონცერტი გააუქმა
-
გადახედვაგაერო: ღაზის სექტორში კვირა-ნახევრის სამყოფი სურსათია დარჩენილი გაერო: ღაზის სექტორში კვირა-ნახევრის სამყოფი სურსათია დარჩენილი
-
გადახედვაორბანმა ვოლოდიმირ ზელენსკის "გამარჯვების გეგმას" "საშიშზე მეტი" უწოდა ორბანმა ვოლოდიმირ ზელენსკის "გამარჯვების გეგმას" "საშიშზე მეტი" უწოდა
-
გადახედვაევროპის საბჭოს კონგრესმა საქართველოს შესახებ დეკლარაცია მიიღო — რა წერია დეკლარაციაში ევროპის საბჭოს კონგრესმა საქართველოს შესახებ დეკლარაცია მიიღო — რა წერია დეკლარაციაში
-
გადახედვადიდმა ბრიტანეთმა რუსეთის "ჩრდილოვან ფლოტს" სანქციები დაუწესა დიდმა ბრიტანეთმა რუსეთის "ჩრდილოვან ფლოტს" სანქციები დაუწესა
-
გადახედვაComCom-მა იმედი, POSTV და მაესტრო ენმ-ს რგოლის განუთავსებლობის გამო დამრღვევებად ცნო ComCom-მა იმედი, POSTV და მაესტრო ენმ-ს რგოლის განუთავსებლობის გამო დამრღვევებად ცნო
-
გადახედვაუკრაინა უახლოეს პერიოდში ნორვეგიისგან F-16 ტიპის ექვს თვითმფრინავს მიიღებს უკრაინა უახლოეს პერიოდში ნორვეგიისგან F-16 ტიპის ექვს თვითმფრინავს მიიღებს
-
გადახედვატოლერანტობის ცენტრი POSTV-ის სიუჟეტზე: ვგმობთ ეთნიკური ნიშნით დისკრედიტაციას ტოლერანტობის ცენტრი POSTV-ის სიუჟეტზე: ვგმობთ ეთნიკური ნიშნით დისკრედიტაციას
-
გადახედვაეს არის ილიას უნივერსიტეტის დაზიანების მცდელობა — რას ამბობენ აკადემიური პერსონალი და სტუდენტები ეს არის ილიას უნივერსიტეტის დაზიანების მცდელობა — რას ამბობენ აკადემიური პერსონალი და სტუდენტები
-
გადახედვა2024 წლის 9 თვეში საოკუპაციო ძალებმა უკანონოდ საქართველოს 58 მოქალაქე დააკავეს 2024 წლის 9 თვეში საოკუპაციო ძალებმა უკანონოდ საქართველოს 58 მოქალაქე დააკავეს
-
გადახედვა"ჰამასის" ლიდერი იაჰია სინვარი ლიკვიდირებულია "ჰამასის" ლიდერი იაჰია სინვარი ლიკვიდირებულია
-
გადახედვაამომრჩეველს უკვე შეუძლია შეამოწმოს, სად აძლევს ხმას — ცესკოს საიტზე მონაცემები განახლდა ამომრჩეველს უკვე შეუძლია შეამოწმოს, სად აძლევს ხმას — ცესკოს საიტზე მონაცემები განახლდა
-
გადახედვარუსული კანონი ფიზიკურ პირს შეეხო — რას ჰყვება დეა ერემაშვილი რუსული კანონი ფიზიკურ პირს შეეხო — რას ჰყვება დეა ერემაშვილი
-
გადახედვანახეთ: ჰაბლმა ორი ვარსკვლავის გასაოცარი სისტემა გადაიღო ნახეთ: ჰაბლმა ორი ვარსკვლავის გასაოცარი სისტემა გადაიღო
-
გადახედვა17 ოქტომბერი ვეტერანთა დღეა — გამოხმაურებები 17 ოქტომბერი ვეტერანთა დღეა — გამოხმაურებები
-
გადახედვააღმოაჩინეს 237 მილიონი წლის წინანდელი ნამარხი, რომელსაც დინოზავრების ისტორიის გადაწერა შეუძლია აღმოაჩინეს 237 მილიონი წლის წინანდელი ნამარხი, რომელსაც დინოზავრების ისტორიის გადაწერა შეუძლია
-
გადახედვათბილისის განახლებული ინფექციური საავადმყოფო წელიწადნახევრიანი დაგვიანებით დღეს გაიხსნა თბილისის განახლებული ინფექციური საავადმყოფო წელიწადნახევრიანი დაგვიანებით დღეს გაიხსნა
-
გადახედვალარი დოლართან მიმართებით გაუფასურდა ლარი დოლართან მიმართებით გაუფასურდა
-
გადახედვაზელენსკი: ჩრდილოეთ კორეის არმიის ოფიცრები უკვე უკრაინის ოკუპირებულ ტერიტორიებზე იმყოფებიან ზელენსკი: ჩრდილოეთ კორეის არმიის ოფიცრები უკვე უკრაინის ოკუპირებულ ტერიტორიებზე იმყოფებიან
-
გადახედვაგრიგოლ ლილუაშვილმა ეკატერინე ხვედელიძის საუბრის ფარულ ჩანაწერზე კომენტარი გააკეთა გრიგოლ ლილუაშვილმა ეკატერინე ხვედელიძის საუბრის ფარულ ჩანაწერზე კომენტარი გააკეთა
-
გადახედვათბილისის მერი ჯოზეფ ბორელის განცხადებას "სისულელეს" უწოდებს თბილისის მერი ჯოზეფ ბორელის განცხადებას "სისულელეს" უწოდებს
კომენტარები