29 მაისს, ქ. ქუთაისში, რამაზ შენგელიას სახელობის სტადიონზე, კომპანია PSP-სა და საფეხბურთო კლუბ "ტორპედოს" შორის ურთიერთთანამშრომლობის მემორანდუმი გაფორმდა.

მემორანდუმის საფუძველზე, ტექნიკური სპონსორობის ფარგლებში, კომპანია PSP საფეხბურთო კლუბ "ტორპედოსთვის" საჭირო მედიკამენტებსა და სამედიცინო საშუალებებს უზრუნველყოფს მთელი წლის განმავლობაში.

მემორანდუმს ხელი მოაწერეს PSP-ს ადმინისტრაციულმა დირექტორმა მამუკა ბრეგვაძემ და საფეხბურთო კლუბ "ტორპედოს“ გენერალურმა დირექტორმა დავით დოლაბერიძემ.

“PSP-სა და "ტორპედოს“ შორის ურთიერთანამშრომლობა შარშან დავიწყეთ და წელსაც ვაგრძელებთ კლუბის მედიკამენტებითა და სამედიცინო საშუალებებით უზრუნველყოფას. ჯანმრთელობაზე ზრუნვის გამარტივება, PSP-ს მთავარი პრიორიტეტია. როგორც მაღალი სოციალური პასუხისმგებლობის მქონე კომპანია, PSP 30 წლის მანძილზე, სპორტის არაერთი სახეობისა და კლუბის მხარდაჭერია. ჩვენი კომპანია განსაკუთრებულ ყურადღებას უთმობს ჯანსაღი ცხოვრების წესის პოპულარიზაციას, დღევანდელი დღეც ამის დასტურია. წარმატებებს ვუსურვებთ კლუბ „"ტორპედოს“, განსაკუთრებით, საერთაშორისო ასპარეზზე“ — განაცხადა მამუკა ბრეგვაძემ.

"პირველ რიგში მინდა, მადლიერება გამოვხატო ჩვენი ერთგული პარტნიორი “პსპ”-ს მიმართ, იმისთვის, რასაც კლუბში თანამშრომლობის ფარგლებში ახორციელებს. სასიამოვნოა ისეთ მძლავრ ფარმაცეპტულ კომპანიასთან თანამშრომლობა, რომელიც წლებია წარმატებულად ოპერირებს ქვეყნის მასშტაბით. დღევანდელი ხელშეკრულების გაფორმების შემდეგ, ჩვენი პარტნიორობა უკვე 2 წელს ითვლის. ჩვენი პარტნიორობა, რაც გვაძლევს საფუძველს მომავალში უფრო მჭიდრო და ფუნდამეტური ურთიერთობის ჩამოყალიბებისთვის. დარწმუნებული ვარ, ერთად, წინ ბევრი წარმატება გველის“ — განაცხადა დავით დოლაბერიძემ.