კოალიცია ცვლილებისთვის ერთ-ერთი ლიდერი, ნიკა მელია 29 მაისს, საღამოს, ლისის ტბის ასახვევთან დააკავეს.

მელიას ადვოკატმა, გიორგი კონდახიშვილმა ტვ პირველთან საუბრისას განაცხადა, რომ პოლიტიკოსი პოლიციის ეკიპაჟმა გააჩერა ლისის ტერიტორიაზე და ახსნა-განმარტების გარეშე დააკავეს.

შინაგან საქმეთა სამინისტროს ცნობით, ნიკა მელია სამართალდამცავი ორგანოს თანამშრომლის სიტყვიერი შეურაცხყოფას ედავებიან.

ოპოზიციონერი პოლიტიკოსის დაკავებას საერთაშორისო გამოხმაურება მოჰყვა.

რესპუბლიკელი კონგრესმენი ჯო უილსონი

"ანტიამერიკული ქართული ოცნების რეჟიმმა ოპოზიციის მთავარი ლიდერი ნიკა მელია იმავე ცრუ საბაბით დააკავა, როგორც ოპოზიციაზე წინა თავდასხმისას. ცხადია, რომ ოპოზიციის სრული აკრძალვა მიმდინარეობს, რათა ქვეყანა ჩინეთს მიჰყიდონ. გამოსავალი სანქციებია!" — წერს რესპუბლიკელი კონგრესმენი ჯო უილსონი X-ზე.

ევროპარლამენტარი რასა იუკნევიჩიენე

"ამ წამს კიდევ ერთი ქართველი ოპოზიციონერი ლიდერი, ნიკა მელია ქუჩაში დააკავეს. ერთი კვირის წინ — ზურაბ ჯაფარიძე. საქართველოში ვითარება უარესდება. ევროკავშირმა და წევრმა ქვეყნებმა უნდა იმოქმედონ!" — წერს იუკნევიჩიენე.

ევროპარლამენტარი მირიამ ლექსმანი

"სამწუხაროა და მიუღებელია, რომ ევროკავშირი არ მოქმედებს საქართველოში მზარდი ავტორიტარიზმის პირობებში. ქართველი ხალხი ცხადია მათი ევროპული და დემოკრატიული გზის შესახებ. არ შეგვიძლია მხარი არ დავუჭიროთ," — წერს მირიამ ლექსმანი.

ესტონეთის პარლამენტის საგარეო საქმეთა კომიტეტის თავმჯდომარე მარკო მიხელსონი

"როგორც ჩანს, ქართული დიქტატურის მიზანია, მთლიანი პოლიტიკური ოპოზიციის განადგურება — ისე, როგორც ეს რუსეთსა და ბელარუსში მოხდა. ნიკა მელიას დაკავება სავარაუდოდ, ბოლო არ იქნება. ევროკავშირმა დაუყოვნებლივ უნდა გასცეს პასუხი და უვიზო რეჟიმის გაუქმების პროცესი დაიწყოს. ქართული რეჟიმის წინააღმდეგ უფრო მკაცრი სანქციები გარდაუვალია თუ დემოკრატიები აპირებენ წინააღმდეგობა გაუწიონ რუსეთის იმპერიის გაფართოების ამბიციებს," — წერს მიხელსონი X-ზე კოალიცია ცვლილებებისთვის ლიდერის, ნიკა მელიას დაკავებაზე.