ნახეთ: ჰარი პოტერის მსახიობები ფილმებში VS სერიალში (ფოტოები)

ჰოგვორტსში დაბრუნებამდე სულ ცოტა დროღა გვაშორებს! ჰარი პოტერის სერიალზე მუშაობა უკვე აქტიურ ფაზაში შედის — გადაღებები ამ ზაფხულს დაიწყება. HBO-ის ერთ-ერთ ყველაზე ამბიციურ პროექტს მსოფლიოში მილიონობით პოტერჰედი მოუთმენლად ელოდება და მასთან დაკავშირებულ ყველა სიახლეს აღტაცებით ხვდება.

ერთ-ერთი მთავარი სიახლე კი სულ ცოტა ხნის წინ შევიტყვეთ: ვინ ითამაშებს ლეგენდარულ ტრიოს სერიალში. ჰარის, რონისა და ჰერმიონის შემსრულებელი მსახიობების შესარჩევად ღია ქასთინგი შარშან შემოდგომაზე დაიწყო და მასში მონაწილეობა 30 ათასზე მეტმა ბავშვმა მიიღო. საბოლოოდ, სერიალის შემქმნელებმა მთავარი გმირები იპოვეს.

ამდენად, ჯოან როულინგის ჯადოსნური საგის ახალ ეკრანიზაციაში მონაწილე ძირითადი მსახიობების ვინაობა უკვე ვიცით. ქვემოთ იხილავ როგორც მათ, ასევე იმ მსახიობებს, რომლებმაც ჩვენი საყვარელი პერსონაჟები კინოეკრანიზაციაში განასახიერეს.

ჰარი პოტერი: დენიელ რედკლიფი (ფილმები) და დომინიკ მაკლაფლინი (სერიალი)

რონ უიზლი: რუპერტ გრინტი (ფილმები) და ალასტერ სტაუტი (სერიალი)

ჰერმიონ გრეინჯერი: ემა უოტსონი (ფილმები) და არაბელა სტენტონი (სერიალი)

ალბუს დამბლდორი: რიჩარდ ჰარისი, მაიკლ გემბონი (ფილმები) და ჯონ ლითგოუ (სერიალი)

მინერვა მაკგონაგელი: მეგი სმითი (ფილმები) და ჯენეტ მაკტირი (სერიალი)

სევერუს სნეიპი: ალან რიკმანი (ფილმები) და პააპა ესიდუ (სერიალი)

რუბეუს ჰაგრიდი: რობი კოლტრეინი (ფილმები) და ნიკ ფროსტი (სერიალი)

ქვირინუს ქვირელი: იენ ჰარტი (ფილმი) და ლუკ თელონი (სერიალი)

არგუს ფილჩი: დევიდ ჯონ ბრედლი (ფილმები) და პოლ უაითჰაუსი (სერიალი)

წლების განმავლობაში გავრცელებული ხმები, ჰარი პოტერის სერიალზე მუშაობის შესახებ, საბოლოოდ 2023 წელს დადასტურდა. მაშინ გავიგეთ ისიც, რომ სერიალი მთელ ათწლეულს გასტანს, თითოეულ წიგნს კი თითო სეზონი დაეთმობა. პროექტში აქტიურად იქნება ჩართული წიგნების ავტორი ჯოან როულინგიც, რომელიც აღმასრულებელი პროდიუსერის როლს მოირგებს.

ჯოან როულინგის ჰარი პოტერი ყველა დროის ერთ-ერთი ყველაზე პოპულარული წიგნების სერიაა. ის თარგმნილია 87 ენაზე და მსოფლიოში 600 მილიონზე მეტ ეგზემპლარად არის გაყიდული. შვიდწიგნეულის მიხედვით გადაღებული რვავე ფილმის შემოსავალმა კი ჯამში $7,7 მილიარდს გადააჭარბა.

ნახეთ ჩვენი ყველა მასალა ჰარი პოტერზე.

ბოლო ამბები:

გირჩევთ