თბილისის საქალაქო სასამართლომ ყოფილი ცოლის მიმართ განხორციელებულ ძალადობაში ბრალდებული დამნაშავედ სცნო და საბოლოოდ 7 თვის ვადით თავისუფლების აღკვეთა მიუსაჯა.

ბრალდების მხარის მტკიცებულებების მიხედვით, 2016 წლის 15 დეკემბერს, დაახლოებით 08:30 საათზე, თბილისში, ბრალდებულმა ყოფილ ცოლს მისსავე საცხოვრებელ სახლში ურთიერთშელაპარაკების ნიადაგზე მიაყენა სიტყვიერი და ფიზიკური შეურაცხყოფა, რა დროსაც თავის არეში მინის ჭიქის ჩარტყმით მიაყენა დაზიანება.

სამართალდამცველებმა იგი 21 დეკემბერს თბილისში დააკავეს სისხლის სამართლის კოდექსის 126¹-ე მუხლის პირველი ნაწილით გათვალისწინებული დანაშაულის ჩადენისთვის, რაც ოჯახის ერთი წევრის მიერ მეორეს მიმართ ძალადობას გულისხმობს.

პროკურატურის განცხადებით, სასამართლო სამედიცინო ექსპერტიზის დასკვნის მიღების შემდეგ მას ბრალდება სისხლის სამართლის კოდექსის 111-120-ე მუხლით (ოჯახის ერთი წევრის მიერ ოჯახის სხვა წევრის მიმართ განხორციელებული ჯანმრთელობის განზრახ მსუბუქი დაზიანება) წარედგინა.

2016 წლის 20 დეკემბერს ბათუმის საქალაქო სასამართლომ ბრალდებული სისხლის სამართლის კოდექსის 187-ე მუხლის პირველი ნაწილით (სხვისი ნივთის დაზიანება) ჩადენილი დანაშაულისთვის გაასამართლა და დაუნიშნა სასჯელი - ჯარიმა 1500 ლარის ოდენობით.