აშშ-სა და რუსეთის პრეზიდენტების ვიდეოშეხვედრის წინ, აშშ-ის სახელმწიფო მდივანი, ენტონი ბლინკენი რუსეთს კვლავ აფრთხილებს, რომ ნებისმიერ ესკალაციას მძიმე შედეგები მოჰყვება. ამის შესახებ მან უკრაინის პრეზიდენტს, ვოლოდიმირ ზელენსკის ესაუბრა და Twitter-ზე დაწერა.

"უკრაინის წინააღმდეგ რუსეთის აგრესიის შესახებ უკრაინის პრეზიდენტს, ვოლოდიმირ ზელენსკის ვესაუბრე. მე განვმეორდი, რომ უკრაინის მიმართ აშშ-ის მხარდაჭერა მტკიცეა. რუსეთის მხრიდან ნებისმიერ ესკალაციას სერიოზული შედეგები მოჰყვება", — წერს ის.

6 დეკემბერს The Washington Post-მა აშშ-ის დაზვერვის სამსახურიდან მოპოვებულ დოკუმენტებზე დაყრდნობით ინფორმაცია გაავრცელა, რომ რუსეთი უკრაინაზე მასობრივ თავდასხმას 175 000 სამხედროს მონაწილეობით გეგმავს. ამ ცნობების თანახმად, კრემლს ფართომასშტაბიანი შეტევა მომავალი წლის დასაწყისისთვის სურს.

აღსანიშნავია, რომ ამერიკის შეერთებული შტატების პრეზიდენტი, ჯო ბაიდენი და რუსეთის პრეზიდენტი, ვლადიმერ პუტინი 7 დეკემბერს ვიდეოშეხვედრას გამართვენ, სადაც უკრაინაში არსებულ დაძაბულ ვითარებას განიხილავენ. ბაიდენი უკრაინის საზღვარზე რუსეთის სამხედრო მოქმედებებზე აშშ-ის შეშფოთებას გაუსვამს ხაზს და უკრაინის სუვერენიტეტისა და ტერიტორიული მთლიანობის მიმართ მხარდაჭერას კიდევ ერთხელ დაადასტურებს.

2 დეკემბერს რუსეთის საგარეო საქმეთა მინისტრ სერგეი ლავროვთან შეხვედრის წინ, აშშ-ს სახელმწიფო მდივანმა, ანტონი ბლინკენმა კრემლი გააფრთხილა, უარი თქვას უკრაინის დესტაბილიზაციის მცდელობებზე და განაცხადა, რომ რუსეთის ნებისმიერი სამხედრო ქმედება კრემლისთვის მძიმე შედეგების მომტანი იქნება. მისივე თქმით, არ იცის მიიღო თუ არა პუტინმა უკრაინაში შეჭრის გადაწყვეტილება.

უკრაინის თავდაცვის სამინისტრომ ნოემბრის დასაწყისში განაცხადა, რომ მის საზღვართან დაახლოებით, 90 000 რუსი ჯარისკაცი გადაისროლეს. უკრაინის საზღვართან რუსეთის ახალი სამხედრო მობილიზაციის შესახებ გავრცელებული ცნობების ფონზე, აშშ-ს სახელმწიფო მდივანმა კრემლი 10 ნოემბერსაც გააფრთხილა.

გაიგე მეტი: