საერთაშორისო რესპუბლიკურმა ინსტიტუტის კვლევის მიხედვით, საქართველოსა და ევროკავშირს შორის ამოქმედებული უვიზო მიმოსვლის შესახებ ინფორმაციას საქართველოს მოქალაქეთა 97% ფლობს, 2 პროცენტი კი არა.

გამოკითხულთა 1 პროცენტს, კითხვაზე, გსმენიათ თუ არა საქართველოსა და ევროკავშირს შორის უვიზო მიმოსვლის ამოქმედების შესახებ, პასუხი არ აქვს.

საერთაშორისო რესპუბლიკურმა ინსტიტუტმა (IRI) 4 აპრილს გამოაქვეყნა მთელი ქვეყნის მასშტაბით ჩატარებული სოციალური გამოკითხვის შედეგები, რომელიც არაერთ მნიშვნელოვან საკითხს ეხება, მათ შორის ევროკავშირში გაწევრებას, რუსეთთან ურთიერთობებს, ასევე, მოსახლეობის პოლიტიკურ სიმპათიებს.

IRI-მ გამოკითხვა მთელი ქვეყნის მასშტაბით (აფხაზეთისა და სამხრეთ ოსეთის გამოკლებით) ჩაატარა 2017 წლის 22 თებერვლიდან 8 მარტის პერიოდში. პირისპირ ინტერვიუს სახით, სულ გამოიკითხა საქართველოში საარჩევნო ხმის უფლების მქონე 1 501 მუდმივი მაცხოვრებელი, პასუხი გაცემის მაჩვენებელი 69 პროცენტია, ცდომილების ზღვარი კი მერყეობს პლუს-მინუს 2,5 პროცენტით.