პარტია საქართველოსთვის წევრი, კახაბერ ქემოკლიძე აცხადებს, რომ გიორგი გახარია არ გაუჩინარებულა, ის ჯერჯერობით დუმს, მდუმარე ადამიანი კი ყოველთვის საინტერესოა.

"გიორგი გახარია არ გაუჩინარებულა, ცალსახად შემიძლია გითხრათ, ის ყოველდღიურად საქმიანობს. ცხადია, ის ყოველდღიურ ცხოვრებაში მონაწილეობს. მიმდინარე პროცესები გვაქვს, ასე ვთქვათ, სხვადასხვა რეგიონებში, გვიახლოვდება საკრებულოების ამუშავების პირველი დღეები, შესაბამისად ის აქტიურად მონაწილეობს ამ პოლიტიკურ პროცესში. სხვა მნიშვნელოვან საკითხებთან დაკავშირებით ის ჯერჯერობით დუმს და ჩემი აზრით, მისი დუმილიც ნიშანდობლივი და ძალიან საინტერესოა ამავდროულად.

დუმილზე ერთი ცნობილი ამერიკული გამონათქვამი მახსენდება, რომ ყოველთვის უნდა უფრთხილდე მდუმარე კაცს იმიტომ, რომ როდესაც სხვები საუბრობენ, ის უყურებს, როდესაც სხვები მოქმედებენ, ის გეგმავს და როდესაც სხვები ისვენებენ, ის უტევს, ამიტომ მდუმარე ადამიანი ძალიან საინტერესოა ყოველთვის", — განაცხადა ქემოკლიძემ პალიტრანიუსის ეთერში.

მისივე თქმით, პარტია ემზადება აქტიური პოლიტიკური ცხოვრებისთვის, ქართული ოცნების დამარცხებისთვის.