შრომის ინსპექციის სამსახურის უფროსის, ბექა ფერაძის განცხადებით, მწვანე ზონების კონცეფციის ამოქმედების პროცესი საკმაოდ დადებითად მიმდინარეობს და ხარვეზები არ ფიქსირდება.

"დღეიდან ამოქმედდა მწვანე ზონების კონცეფცია, რომელიც თავის თავში გულისხმობს გარკვეულ ობიექტებზე იმ პიროვნებების დაშვებას, რომელსაც აქვს მხოლოდ და მხოლოდ მწვანე სტატუსი და მწვანე სტატუსის წინაპირობა რომ ჰქონდეს ადამიანს, როგორც საზოგადოებისთვის ცნობილია, არის ის, რომ ან უნდა ჰქონდეს გადატანილი კოვიდი, ან უნდა იყოს ვაქცინირებული და ასევე, PCR-ით, თუ სწრაფი ტესტით გატესტვა 72 და 24 საათის განმავლობაში არის აბსოლუტურად თავსებადი ამ მოთხოვნებთან.

დილიდან შრომის ინსპექტორები სხვადასხვა ობიექტებზე აკონტროლებენ ამ პროცესს, საკმაოდ დადებითად მიმდინარეობს და ხარვეზები არ ფიქსირდება, ძირითად შემთხვევაში ბიზნესსუბიექტები უკვე მზად შეხვდნენ ამ პროცესს", — ამბობს ფერაძე.

საქართველოში მწვანე პასპორტი დღეიდან, პირველი დეკემბრიდან ამოქმედდა. მოქალაქეს მწვანე სტატუსი მიენიჭება იმ შემთხვევაში თუ ის აკმაყოფილებდეს შემდეგი კრიტერიუმებიდან ერთ-ერთს:

  • არის სრულად ვაქცინირებული;
  • გადატანილი აქვს Covid-19 და ვირუსის დადასტურებიდან გასულია 14
    დღე;
  • ჩატარებული აქვს 72-საათიანი ვალიდურობის PCR ტესტი;
  • ჩატარებული აქვს 24-საათიანი ვალიდურობის ანტიგენ ტესტი.

გაიგე მეტი: