ქუთაისის რეფერალური ჰოსპიტალის სამედიცინო დირექტორის, დავით ჯანაშიას ინფორმაციით, ტყიბულში მიწის მასის ქვეშ მოყოლილი კაცის მდგომარეობა უკიდურესად მძიმეა. ექიმის თქმით, მას აქვს შინაგანი ორგანოების დაზიანება.

"27 ნოემბერს შემოყვანილ იქნა პაციენტი, ტურძილაძე ვიტალი, 65 წლის ტყიბულიდან, უმძიმეს მდგომაროებაში: გულ-მკრედის ღრუს ორგანიზების დაჟეჟილობით, მუცლის ღრუს ორგანოების დაჟეჟილობით და ორივე ქვედა კიდურზე ხანგრძლივი ზეწოლის სინდრომით. ამჟამად, პაციენტი მკურნალობს რეანიმაციულ განყოფილებაში, მდგომარეობა მძიმეა. იმყოფება ფილტვების ხელოვნურ ვენტილაციაზე", — განაცხადა ჯანაშიამ.

გუშინ, 27 ნოემბერს, ტყიბულში, ქვანახშირის კერძო მოპოვების კარიერში მიწის მასა ჩამოიშალა. როგორც ტყიბულის მერმა, დავით ჩერქეზიშვილმა პირველ არხს განუცხადა, უბედური შემთხვევა მაშინ მოხდა, როდესაც მოქალაქეები ნახშირს უნებართვოდ, ღია კარიერის წესით მოიპოვებდნენ.

მიწის მასაში მოყოლილი ორი ადამიანიდან ერთ-ერთი გარდაცვლილი იპოვეს.