საგანგებო სიტუაციების მართვის სამსახურის ცნობით, ტყიბულში მიწის მასაში, სავარაუდოდ, ორი ადამიანია მოყოლილი. მათი ცნობით, ერთ-ერთ ადამიანამდე ჩასვლა მოხერხდა და ახლა მისი გამოყვანის ღონისძიებები მიმდინარეობს. მათივე განცხადებით, გრძელდება მეორე მოქალაქის სამძებრო სამუშაოები.

"საგანგებო სიტუაციების მართვის სამსახურის თანამშრომლების სწრაფი და ეფექტური მოქმედებების შინაგან საქმეთა სამინისტროს საგანგებო სიტუაციების მართვის სამსახურის განცხადება შედეგად, მოხერხდა მიწის მასის ქვეშ მოყოლილ ერთ-ერთ ადამიანამდე ჩასვლა. მოქალაქე იმყოფება კონტაქტურ მდგომარეობაში და ამ დროისთვის მიმდინარეობს მისი უსაფრთხო ადგილზე გამოყვანის ღონისძიებები. პარალელურ რეჟიმში მიმდინარეობს მეორე მოქალაქის ძებნა-შველის ღონისძიება", — ნათქვამია განცხადებაში.

დღეს ტყიბულში მიწის მასა ჩამოიშალა. როგორც ტყიბულის მერმა, დავით ჩერქეზიშვილმა პირველ არხს განუცხადა, უბედური შემთხვევა მაშინ მოხდა, როდესაც მოქალაქეები ნახშირს უნებართვოდ, ღია კარიერის წესით მოიპოვებდნენ.