მიმდინარე წლის მესამე კვარტალში საქართველოდან უცხოეთში 159 219 ვიზიტი განხორციელდა, რაც გასული წლის იმავე პერიოდის მონაცემს 181%-ით აღემატება, ხოლო 2019 წლის მესამე კვარტალის მაჩვენებელს 77%-ით ჩამორჩება.

საქსტატის ინფორმაციით, მესამე კვარტალში ვიზიტორთა 69% კაცი, ხოლო 31% ქალი იყო. რაც შეეხება ასაკობრივ განაწილებას, ვიზიტორთა ძირითადი ნაწილი, 49% 31 წლიდან 50 წლამდე ასაკობრივ ჯგუფს მიეკუთვნებოდა.

გასულ წლებში საქართველოდან უცხოეთში განხორციელებული ვიზიტების რაოდენობა ასე გადანაწილდა:

  • 2019 წელი — 2,37 მილიონი;
  • 2020 წელი — 615 ათასი;
  • 2021 წლის პირველი ცხრა თვე — 319,9 ათასი.

აღსანიშნავია, რომ მიმდინარე წლის იანვარ-სექტემბერში საქართველოდან უცხოეთში განხორციელებული ვიზიტების რაოდენობა, გასული წლის იმავე პერიოდის მონაცემთან შედარებით 41%-ით არის შემცირებული.