უკრაინელი მფრინავის, ნადეჟდა სავჩენკოს თქმით, ის მზადაა უკრაინის საპრეზიდენტო არჩევნებში მიიღოს მონაწილეობა, თუ ეს მისი ქვეყნის მოქალაქეების სურვილი იქნება.

გათავისუფლების შემდეგ, სავჩენკო თავის პირველი პრესკონფერენციას დღეს, 27 მაისს, მართავს. რადიო თავისუფლების ინფორმაციით, ჟურნალისტის კითხვაზე, იყრიდა თუ არა კენჭს პრეზიდენტად, მან უპასუხა:

"თუ უკრაინელებს ენდომებათ რომ მე გავხდე პრეზიდენტი, კეთილი, გავხდები პრეზიდენტი".

სავჩენკო სამშობლოში ოთხშაბათს, 25 მაისს დაბრუნდა. ის 2 წლის განმავლობაში რუსეთში პატიმრობაში იმყოფებოდა.