დროას დამფუძნებლის, ელენე ხოშტარიას ექიმი, ვახტანგ კალოიანი აცხადებს, რომ ხოშტარიას გადაწყვეტილება მედიკამენტების მიღების შეწყვეტაზე შიმშილობის მე-17 დღეს ძალიან სახიფათოა.

"საუბარია თიამინზე და იმ მინიმალურ სითხეებზე, რომელსაც ის იღებდა კეტოზის ოდნავ შესამცირებლად", — წერს ის.

ელენე ხოშტარიამ განაცხადა, რომ აჩერებს მედიკამენტოზურ მკურნალობას და არ გაიკეთებს გადასხმებს მანამ, სანამ მიხეილ სააკაშვილის სამოქალაქო კლინიკაში გადაიყვანენ. მისი თქმით, დრო არათუ არაა, შეიძლება, დაგვიანებულია კიდეც. ის მიხეილ სააკაშვილის მაღალპროფილურ სამედიცინო დაწესებულებაში გადაყვანის მოთხოვნით მე-17 დღეა შიმშილობს.